جهانیانه حق بو گون بویوک عنایت ایلدی #حسینیه_فاکر_تبریزی

میلاد حضرت امام حسین علیه السلام
.
✍️ #زبدةالاشعار ✍️
.
🆔: @nohe_torki
.
#فاکر_تبریزی
.
جهانیانه حق بو گون بویوک عنایت ایلدی
علی مرتضایه بیر اوغول کرامت ایلدی
.
.
بو رسمیدور گلن زمان هرایوده طفل عالمه
ایو اهلی شادمان اولاریول اولماز آهیلن غمه
ولی حسین ولادتی باتوردی کونی ماتمه
جهانیانی سربسر غریق محنت ایلدی
.
.
آلوب قماطینی اله حبیب لم یزل اوز
باخوبدی گل عذارینه دولوبدی اشگیله گوزی
دیسم سزادی مصطفی خیال ایدردی بو سوزی
که حق بو طفلی خلقینه شفیع امت ایلدی
.
.
امین وحی لم یزل گلوب سرای حیدره
یتوردی حق پیامینی سلامیله پیمبره
خدا قویان حسین آدین بیان ایدوب او سروره
پیمبر خدا همان او امره طاعت ایلدی
.
.
بلوندوروب ملکلره خدا حسین ولادتین
او طفلین ایتدی آرزو ملائکه زیارتین
خدا اورکده قویمادی ملکلرین او حسرتین
گلوب حسینی هر ملک اودم زیارت ایلدی
.
.
الهی چوخ چکرگوگل حسینین اشتیاقینی
تحمل ایلینموری اورک غم فراقینی
نصیب ایله گیداق گوراخ او دلگشا رواقینی
سنین عنایتین هامی غمه کفایت ایلدی
.
.
ئولنجه چکمه «فاکرا» حسین دامنیندن ال
نچون حسینی چوخ سوراوزی خدای لم یزل
حسینه آغلا نوحه یازآپاربقایه خوش عمل
جزاده گورحسین سنه نجه شفاعت ایلدی
.
#حسینیه_میلادیه
#جهانیانه_حق_بو_گون_بویوک_عنایت_ایلدی
#ترکی
.
✍️ #زبدةالاشعار ✍️
.
🆔: @nohe_torki