جوان ئولن آناما اهل آسمان آغلار #فاطمیه_ولایی_زنجانی

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#ولایی_زنجانی
.
جوان ئولن آناما اهل آسمان آغلار
زمانه ضجّه چکرغصه دن زمان آغلار‎
.
جوان ئولن لر ایچینده نظیری یوخ آنامین
یارالی حالتینه صاحب الزمان آغلار
.
بو غمده آغلیانین گوزلری دولار یاشینان
ولی امام زمان آغلیاندا قان آغلار
.
بو جان وئره ن که شهیده اولوپدی فاطمه دی
اونون مصیبتینه داشدا سن اینان آغلار
.
سینه سینین یاراسی آغلادار سماواتی
اونون شهادتینه عرشِ لامکان آغلار
.
ابو الائمه وئرر صبرینی بو گون الدن
قولوندا یاره گورنده ائدر فغان آغلار
.
جنازه یه بالالار اوزلرین سالان حالدا
گوی اهلی ناله ائده ر جمله قدسیان آغلار
.
علی نه چکدی گوره ن آیریلاندا زهرادن
یانار فراق اوتونا یار مهربان آغلار
.
گدیپ مزاره او گول غنچه لر هامی گریان
گولوندن آیری دوشن گونده باغبان آغلار
.
گورنده بوش یئرینی زینبی دییر آنا وای
باخار یانان قاپیا دیده خون فشان آغلار
.
نماز وقتی آچاندا یئر اوسته سجاده
آناسی یاده دوشر تا گورر نشان آغلار
.
حسینین آغلاماسین یازما ای قلم شرم ائت
او آغلیاندا هامی اهل آسمان آغلار
.
ولایی آغلا گیجه صبحه چان دینن ننه وای
که هر کیمین آناسی اولسه صبحه چان آغلا
.
#فاطمیه_شهادت
#جوان_ئولن_آناما_اهل_آسمان_آغلار
#ترکی
.
✍️ #زبدةالاشعار ✍️
.
🆔: @nohe_torki