زبدةالاشعار

حاجینون چاتسا الی قاره داشا دلخوش اولار #نادربابایی

درد دلی با شعرای جوان
.
✍️ زبدة الاشعار ✍️
?: @nohe_torki
.
حاج نادر بابایی
.
حاجینون چاتسا الی قاره داشا دلخوش اولار
شاعرینده غزلی چاتسا باشا دلخوش اولار
.
شعریده وار بوهنر تاسوزه وئرسون یاراشیق
صورته گوز یاراشار گوزده قاشا دلخوش اولار
.
شعری بیر آینه بیل شاعرین اندیشه سینه
اگر آئینه ده گوزلر قاماشا ،دل خوش اولار
.
شعریده گنجوی اولسون گنه فردوسیه باخ
قویماسون گر قدمون توققالاشا،دل خوش اولار
.
من من آفتدی که هر پیکری آلوده ائدر
پیکر هریرده مسلمدی باشا دلخوش اولار
.
سنه به به دیه نون وار نه قدر گور بیلیشی
قازانی قویماسون البته داشا،دل خوش اولار
.
چوخی وار لعله باخار لیک جواهر تانیماز
گوهری باخسا اوزوکلرده قاشا دلخوش اولار
.
لفظ (استاد)چوخون برزن بن بسته سالار
قویماسون نفسووی بو یولدا چاشا،دل خوش اولار
.
شعری یاز اهلینه ،حاشا که یازاندا دیه سن
بو سوزه مصطفانون اوغلی پاشا دلخوش اولار
.
سن ادب ساخلاسون اخلاصیله،حکمت وئریلر
اوندا بیل شعرووه هر گوز ساتاشا دلخوش اولار
.
ملک اندیشه ده وار هر قلمون بیر علمی
قویماسون بو علمون الدن آشا دل خوش اولار
.
ماشاالله که بیزیم عصریده شاعر چوخالوب
بو یاشایشده دولان سنده یاشا، دل خوش اولار
.
بو یازانلار چوخی ناظمدی که شاعر سایلار
سوزلره قافیه لر که داراشا ،دل خوش اولار
.
سنه ده (نادر) هله وار بو یولون دونگه لری
قاتماسون بوزلی سویی ایستی آشا،دل خوش اولار

متن پیشنهادی:  یا حسین مرتبتون رتبه والادی آقا #حسینیه_معزی_اردبیلی

.
#پندیات_شاعر #شعر #مداح
#حاجینون_چاتسا_الی_قاره_داشا_دلخوش_اولار
#نادربابایی
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی