زبدةالاشعار

حال احتضارینده فاطمه گوز تیکوب یولا یااباالحسن #فاطمیه_محسن_عسکری

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
حاج #محسن_عسکری
.
حال احتضارینده فاطمه
گوز تیکوب یولا یااباالحسن
رنجه قیل قدم تا قدومیوه
جان ایدم فدا یااباالحسن
.
.
من حبیبۀ حی داورم
بو جهاندا طاهایه یادگار
افتخاریدیم کل عالمه
تک سنیله ایلردیم افتخار
بسکه چوخ علاقه ویروب نشان
هانیه لقب تاپدیم اشتهار
سعی ایدردیم هر حالیده سنه
گوسترم وفا یااباالحسن
.
.
واجب الاطاعه ایدوب سنی
کل عالمه خالق العلا
بارها منابرده شأنووی
خلقه ذکر ایدوب ختم الانبیا
ماسوایه مولا ایدوب سنی
اول چکیدۀ کل ماسوا
ائت حلال اگر ایلینمدیم
حقیوی ادا یااباالحسن
.
.
یوخدی یاعلی بیر نفر بولن
جز خدا و طاها مقاموی
تالی کلام خدا بولر
اهل علم شیوا کلاموی
اولموشام مکدر ایشتموشم
اهل یثرب آلمور سلاموی
پاس قویمیانلار حریمیوه
ایلمز حیا یااباالحسن
.
.
یوخ غمیم که یوخ قارداشیم، سنی
ایتمرم عوض مین برادره
نه برادر ای جان برابری
یوخ نیاز بیر اوزگه یاوره
بو جهاندا گوز تیکموشم سنه
وار توکّلوم حیّ داوره
هر زماندا زهرایه نصرتون
ایلر اکتفا یااباالحسن
.
.
وار منیم او درّه شباهتیم
غفلتاً دوشوب دست جاهله
یا وورار داشا سندیرار اونی
یا هدر ویرر امر باطله
منجنیق غمده فلک منی
بس سالوب فشاره بوله بوله
ثابت ایلیور ذره دهر دون
ویرمیوب بها یااباالحسن
.
.
تک نه منله دشمندی بو جهان
اوصیائیله اولیائیله
انبیا بلی باغریقان اولوب
مین غمیله مین ابتلائیله
چرخ کجمدارون وار الفت و
سازشی فقط اشقیائیله
تنگ و تار زنداندی مؤمنه
صحنه سرا یااباالحسن
.
.
سن که مؤمنینون امیری سن
چوخ اولار سنیله عداوتی
چرخ کجروش ایلیوب بری
کان علمه جاهل رعیتی
باب وحیه اود ویردیلار بولار
داندیلار کتابیله عترتی
گیتدیلر خلاف وصیتِ
ختم الانبیا یااباالحسن
.
.
عقده و عداوت اولوب سبب
بی وفا منافق جماعته
گلدیلر او گون چکماقا سنی
مسجد پیمبرده بیعته
دینیم امر ایدوب باغلیام کمر
اهتمامیله حسن خدمته
قویمیام که امت امامیله
ایلیه جفا یااباالحسن
.
.
بیله بیر مقدس مرامیله
پشت درده ایتدوم مقاومت
ساخلیام خطردن حریموی
ایلیم ائویمدن مواظبت
حفظ عِرضِ قدس ولایته
منده گوسترم بیر مشارکت
چوخ چالشدیم افسوس ایدنمدیم
دفع ابتلا یااباالحسن
.
#سبک_ساخلا_ناقه_می_کاروانیدن … 8 سبک
.
#فاطمیه_شهادت
#حال_احتضارینده_فاطمه_گوز_تیکوب_یولا_یااباالحسن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  طور وفادی بو یِر یا کربلادی قارداش #اربعین_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی