در فضائل حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
حبیب رسالت حسیندور حسین
سراج هدایت حسیندور حسین
دلیل سعادت حسیندور حسین
صراط هدایت حسیندور حسین
امین امانت حسیندور حسین
.
.
او شه کی اونا خاتم الانبیا
لقب وئردی ریحانۀ مصطفی
مکرّر دیدی جانوه من فدا
بویوردی اوز اصحابینه برملا
شفیع قیامت حسیندور حسین
.
.
محمد او پیغمبر نیک خو
رسول وفرستادۀ ذات هو
ایدوب قاب قوسینده گفتگو
ایشتدی نچه کلمه سرّ مگو
مگودن عبارت حسیندور حسین
.
.
نبی کعبۀ حقده دوتدی قرار
علی ایلدی بتلری تار و مار
قیلوب اوردا دین پرچمین برقرار
همان پرچمه موقع اضطرار
وئرن استقامت حسیندور حسین
.
.
علیدن صورا دینی ارشاد ائدن
بیانگاه توحیدی آباد ائدن
صنمگاه جهّالی بر باد ائدن
تجلّای قرآنه امداد ائدن
یدِ باکفایت حسیندور حسین
.
.
ستمدیده سلطان حسن دور حسن
وئرن صلحلن جان حسن دور حسن
آچان باب مهمان حسن دور حسن
شه بزم احسان حسن دور حسن
امیر ضیافت حسیندور حسین
.
.
گلاب پر عطرِگلِ مصطفی
صفا بخش جان و دلِ مصطفی
برازندۀ محفل مصطفی
فروزندۀ منزل مصطفی
همای سعادت حسیندور حسین
.
.
ید قدرت حق علیدور علی
امامتده مطلق علیدور علی
خلافتده بر حق علیدور علی
صدیق ومُصدِّق علیدور علی
ظهیرِ صداقت حسیندور حسین
.
.
بویوردی نبیِّ پسندیده ذات
منیم اهل بیتیمدی فُلک نجات
ائدر خلقه طوفاندا سدِّ ممات
ویرا هر کس اول فلکه دست نجات
نجاته ضمانت حسیندور حسین
.
.
علومه پیمبردی شهر عظیم
او شهری بنا ائتدی حیّ علیم
علی شهره دروازۀ مستقیم
او شهره او دروازیه ای حکیم
حصار عمارت حسیندور حسین
.
.
یازوب عرشنه خامۀ کردگار
کی اقرار توحید پروردگار
اولور اهل توحیده ایمن حصار
همان حصنه یول تاپماقون شرطی وار
او شرطه دلالت حسیندور حسین
.
.
او خیرالورا ذات خلق کبیر
بلاغتده خلقه بشیر و نذیر
قویوب نطقده معنی مستتیر
حساب قیامت نذیره ضمیر
ضمیر بشارت حسیندور حسین
.
.
او ضربت کی عمره ویروب مرتضی
فضیلتده آرتوقدی گلدی ندا
عبادت دَنی کی ایدر ماسوا
او فضل و عبودیته الحقا
فضیلت شرافت حسیندور حسین
.
.
حسین مفخر شاه لولاک دور
حسین زینت عرش وافلاکدور
حسین عزت عالم خاکدور
حسین پاکدور، پاکدور پاکدور
مقدّس ولادت حسیندور حسین
.
.
حقیقت کساده اولان مرد و زن
محمّد دی، زهرا، علیدور حسن
اولوب جبرئیل داخل انجمن
همین انجمن ده گل پنج تن
بهار طراوت حسیندور حسین
.
.
لوای بلیاته روز الست
تمام انبیادن اولوب پیش دست
اولان وقتده پایۀ دین شکست
تعهد ائدوب ایلسون بند و بست
کفیل حفاظت حسیندور حسین
.
.
بهشتدور حسین قانینون قیمتی
چکوب بو مقامه اوز عبدیّتی
حسینیله کیم گیتسه وار لذّتی
حسین سیز بهشتون ندور عزّتی
بهشته کرامت حسیندور حسین
.
.
اونون قبّه سی آلتدا هر مبتلا
خلوص وصداقتله ائتسه دعا
او شخصون اولور مطلبی تئز روا
دعایه هدف درگهِ کبریا
درِ استجابت حسیندور حسین
.
.
او شه که لباس بهشتی گیوب
سرانگشت معصومدن سود ییوب
اونا لحمک لحمی جدّی دیوب
نشانگاه دینه سوار ایلیوب
او صاحب جلالت حسیندور حسین
.
.
حسین قویدی بیت اللهه احترام
حسین بیلدی قتلی او یرده حرام
قویوب حجّین اعمالینی ناتمام
اودور مدفنی اولدی دارالسّلام
مطاف زیارت حسیندور حسین
.
.
گوروب فاطمه عکسینی بوالبشر
ایکی گوشوار اوندا دور جلوه گر
بیری قرمزیدور بیری سبزتر
بیری مجتبی رنگینی یاد ائدر
او قرمز علامت حسیندور حسین
.
.
اباذر دئدی سرّینی بیلمرم
حسینی ندن بو قدر ایسترم
دئدی فوری سلمان اونا نوکرم
که هر سوز باشی من حسین سویلرم
منه ورد و عادت حسیندور حسین
.
.
ائشیتدی بو لفظی امام حسن
بویوردی جوابین او شاه زمن
حسینه محبّم ایکوزدن ده من
حسینیله من یکدل و یک بدن
بدنده لطافت حسیندور حسین
.
.
خانم فاطمه بیلدی بو قصّه نی
دئدی جان حسین عالم ایستر سنی
سنی ایستین من ، حسین سن منی
ولی بیلمیوللر بو بیر نکته نی
منه جاندا طاقت حسیندور حسین
.
.
بو بحثی بیلوب شاه دلدل سوار
بویوردی جوابینده بی اختیار
حسینه محبّت که قلبیمده وار
اؤزومدن چوخ آگهدی پروردگار
وجودیمدن آیت حسیندور حسین
.
.
او جمعه بویوردی رسول خدا
واریمدی خداونده حمد و ثنا
حسین تک اوغول ایلیوبدور عطا
هامودان اوزوم عاشقم من اونا
منه روح راحت حسیندور حسین
.
.
بفرمان ذات خدای جلیل
نزول ایلدی محضره جبرئیل
سلام حقی دوتدی الده دلیل
سفارش ایدوب خالق بی بدیل
سزوار ساحت حسیندور حسین
.
.
حسینیمده دور منصب بندگی
حبیبیمدی یوخ اوندا شرمندگی
وار عبدیّتینده برازندگی
قیامتده ویرَّم نمایندگی
مدیر شفاعت حسیندور حسین
.
.
شب سیّم شهر شعبان اولوب
مدینه دؤنوب باغ رضوان اولوب
علینون ائوی نورباران اولوب
نهفته خزینه نمایان اولوب
او کنزه اشارت حسیندور حسین
.
.
آچیلدی در رحمت کبریا
انوبدور یره قدسیان سما
او مولود پاکی اؤپوب انبیا
سنیچون بو فرزندی یا مصطفی
ائدوب حق عنایت حسیندور حسین
.
.
اونی آلدی آغوشه خیرالانام
حسین جدّینه عرض قیلدی سلام
بویوردی پیمبر علیک السلام
دئدی اهل بیته منیم بو بالام
مقام لیاقت حسیندور حسین
.
.
انوب یثربه شادمان جبرئیل
او سرخیل قدّوسیان جبرئیل
اؤزین ایتدی گهواره بان جبرئیل
تفاخرله قیلدی بیان جبرئیل
پیمبر شباهت حسیندور حسین
.
.
حریر بهشته بوکوب پیکرین
فراش ایتدی روح الامین شهپرین
آپاردی ایده سیر عرش برین
ملک لر دیدی آفرین آفرین
بوصاحب صدارت حسیندور حسین
.
.
مقامی اولوب سدرةالمنتهی
اونی جلوه لندیردی نور خدا
موشح لنوب حکم بیع و شری
او حکمه آچان روز قالوا بلی
لوای اجابت حسیندور حسین
.
.
مزیّن ایدوب روضۀ جنتی
تبرّک تاپوب جنّتون نعمتی
شرفلندی اوز قاننون قیمتی
چکه ناردن نوره وار صحّتی
وکیل برائت حسیندور حسین
.
.
وئرن فطرسه تازه دن بال و پر
سروشی ائدن خدمتی مفتخر
غلامی سرافیل زرّین کمر
یرون هم گوگون اهلینه سربسر
ائدن حلّ حاجت حسیندور حسین
.
.
وار اسلامیده واجب و مستحب
اولوبدور نچه شعبیه منشعب
بیرین خیر امة ائدوب منتخب
بیلور بو سوزی اهل علم و ادب
فیوض عبادت حسیندور حسین
.
.
بیزه حکم اقرار وحدت گلوب
ضمیمه او حکمه عدالت گلوب
نبوت حساب قیامت گلوب
اصول دیانت امامت گلوب
لزوم دیانت حسیندور حسین
.
.
نچه امردور دائر فرع دین
بویورموش خدا و رسول امین
اطاعت ائدنلردیلر مؤمنین
اطاعت اؤزی شمع روشن قرین
فروغ اطاعت حسیندور حسین
.
.
ائدن قتلگاهینده قان دستماز
آلان درگه حقّدن امتیاز
قیلان ختم پیغمبری سرفراز
ادا ایلین توپراق اوسته نماز
زمان شهادت حسیندور حسین
.
.
آلوب شمر او وقتیکه خنجر اله
بدن تیتردی ائتدی یر زلزله
گورونمز که مقتول او ساعت گوله
تبسّم ائدن جرأتِ قاتله
شه باشهامت حسیندور حسین
.
.
مبارک بوغازدان قزلقان آخار
دوشن یرده انّی مع الحق یازار
کانّه که معراج ائدوب اختیار
ائدن اَم حسبت آیه سین آشکار
جداده تلاوت حسیندور حسین
.
.
یانوب خیمه صحرایه قاچدی حرم
اودا ویردی زینب اؤزین دمبدم
باجی قارداشین محنتین بیلمه کم
نقدری یتوب زینبه درد و غم
اونیلان شراکت حسیندور حسین
.
.
چکوب زینب ال مالدن جاندن
گوروب چوخ بلا ظلم عدوانیدن
امان قصّه شام ویراندن
او خاتون محزون و نالاندن
دیوللر خجالت حسیندور حسین
.
.
چکن قرعۀ امتحان عشقینه
قویان جانینی یار جان عشقینه
نه اینکه بهشت و جنان عشقینه
رضای حق لامکان عشقینه
وئرن قتل و غارت حسیندور حسین
.
.
حسیندور شریف همه کائنات
دوشن مشکله اوندان ایستر نجات
حسینده گوروب «#یحیوی» معجزات
نه ایسترسه ایلر حسین التفات
سحاب سخاوت حسیندور حسین
.
.
فیوض عبادت حسیندور حسین
لزوم دیانت حسیندور حسین
فروغ اطاعت حسیندور حسین
دلیل سعادت حسیندور حسین
مگودن عبارت حسیندور حسین
.
.
#حسینیه_یحیوی_اردبیلی
#حسینیه_مدح #حسینیه_میلادیه
#حبیب_رسالت_حسیندور_حسین
#اسرار_عاشورا
#ترکی
.
✍️ #زبدةالاشعار ✍️
.
🆔: @nohe_torki
نظر دهید