رجز قتل حضرت سیدالشهدا(ع)
شور جوشی زنجیر
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
حبیب سید الاعلا حسین وای
عزیز حضرت زهرا حسین وای
رسول اکرمون اعظم فداسی
شهید یوم عاشورا حسین وای
.
.
گیندی قاره جنت پرده داری
بهشت اوسته الندى غم غباری
وئروب حورالر الدن اختیاری
یئره ووردیلا تاج زرنگاری
یوولوبلار گیسوان مشکباری
دیوب آغلاتدیلار زهرای زاری
حبیب سید الاعلا حسین وای …
.
.
خبر یتدی محمد مصطفایه
او رفرفله گئدن عرش خدایه
پیاده اندی گوگدن کربلایه
بو غم تأثیر ائدوبدور انبیایه
سرازیر اولدیلار دشت منایه
خطاب ائتدیلر اول اعظم فدایه
حبیب سید الاعلا حسین وای …
.
.
.
قباقدا گلدی آدم صفوة الله
اونیان نوح و موسا اولدی همراه
مسیحیان سلیمان حشمت الله
یتوبلر قتلگاهه گوردیلر آه
وئرور جان قان ایچینده حجّت الله
خلیل اللهدن سس گلدی ناگاه
حبیب سید الاعلا حسین وای …
.
.
.
اوخور انجیل حوّاریون عیسا
آلوب تورات اله یاران موسی
مقرّب بندگان ربّ الاعلا
ایله سسلندیلر ایوای حسین وا
اویاندی کهفده أصحاب رؤیا
اولاردا غارده سس وئردی گویا
حبیب سید الاعلا حسین وای …
.
.
علینون سو دولی بیر جام الینده
سفارش وئردی زهرایه گلنده
گل ای خاتون محشر فوری سنده
که گور دلبندیوه من سو وئرنده
گوزین باغلا توانا یوخدی منده
دئسون حوّا باشین قاتل کسنده
حبیب سید الاعلا حسین وای …
.
.
سراسیمه یتوب گوداله زهرا
حسینین گوردی نه حالدا خدایا
مشبّک سینه و مجروح امضا
آچوب معجر یئر اوسته ائتدی پهنا
ائدنده او ندا ثارالله تجلّا
ندا اولدی او معجردن هویدا
حبیب سید الاعلا حسین وای …
.
.
یازار تیترر قلم الله اکبر
چادرلاردان کنار اولدی حرملر
ایاقدا باشدا یوخ نعلین و معجر
گریبان چاک اوجالمیش باشدان اللر
خانم قزلار ائدوب زلفینی شهپر
اوچان قوش تک قاچورلار دلده ازبر
حبیب سید الاعلا حسین وای …
.
.
چیخوب تعجیلیله تلی آشورلار
کسور لشگر یولی یولدان چاشورلار
گھی تک تک قاچوب که توپلاشورلار
قاچورلار تیتریورلر آغلاشورلار
قشون یول وئرمینده سیخناشورلار
دیورلر یالوارورلار آغلاشورلار
حبیب سید الاعلا حسین وای …
.
.
اوزاقدان درک ائدوب خاتون علیا
حسینون قتلینه شمری مهیا
قولی چمراخلو الده تیغ بُرّا
حسینیمله دئدی ایله مدارا
به حق جدّنا یا شمر دعنا
یخیلدی دوردی بیر سسیلندی أی وا
حبیب سید الاعلا حسین وای …
.
.
یتیشدی مقتله خاتون نالان
اوشاقلار برق خنجردن هراسان
او قورخی گورمیه ن قزلاردی لرزان
نقدری یالواروب شمره او طفلان
نتیجه وئرمدی اول خانه ویران
وئروبلر سس سسه بیر عده نسوان
حبیب سید الاعلا حسین وای …
.
.
خبردار اول حسینون محشریندن
انوب خنجر اؤپه تا حنجریندن
باجیسی دوتدی شمرون خنجریندن
او خاتونون یاغوب اود گوزلریندن
قزلقان جاری اولدی اللریندن
اوجالدی ناله خون احمریندن
حبیب سید الاعلا حسین وای …
.
.
دوشنده زلزله ارض و سمایه
کئچن وقته حسین باشی جدایه
دولان وقته قشون خیمه سرایه
دگنده ظلم اودی زین العبایه
خانم زهرا قیزی یئتدی هرایه
گلوب سس جبرئیلدن ماسوایه
حبیب سید الاعلا حسین وای …
.
.
#حسینیه_یحیوی_اردبیلی
#حسینیه_شهادت
#حبیب_سید_الاعلا_حسین_وای
#ترکی
.
✍️ #زبدةالاشعار ✍️
.
🆔: @nohe_torki
روح بزرگ تاج الشعرا با اربابش امام حسین علیه السلام محشور بشه شعر ننوشته که نقاشی کرده انگار وایستاده بود در کربلا از دور نگاه می کرده یکی یکی صحنه هارا قشنگ باز سازی کرده روحش شاد
سلام و احترام
ممنون از لطف و مرحمت تان
همواره در پناه حضرت حق تعالی باشید