زبدةالاشعار

حجت تمام قیلدی او الله حجتی #حسینیه_واقف_سرابی

شجاعت و شهادت امام حسین (ع)

.
✍️ #زبدةالاشعار ✍️
.
🆔: @nohe_torki
.
مرحوم واقف سرابی
.
حجت تمام قیلدی او الله حجتی
دوردی دایاندی کوفه و شامون جماعتی
.
تبلیغ حجّتینده ویروبلر جواب سخت
بُلدی گیچوری وقت شهادت یتوبدی وقت
.
اوُل دمده ذوالفقار اؤزین سالدی واسطه
چکدی شراره گلدی یدالله باسطه
.
غیظه گلوب ولیّ خداوند ذوالجلال
آز قالدی سلب اولا ملک الموتیدن مجال
.
هرچند اوخ یاغاردی هوادن تگرک تک
قومی توکردی یر یوزینه بید برگ تک
.
فریاد زخمدار و هیاهوی گیر و دار
شور و نشور اولدی او صحراده آشکار
.
پامال ایدر نه نوعیله خاشاکی تند باد
ابطال قوم منتشر اولموشدی کالجراد
.
شیر خدانون اوغلی ایدوب حمله شیر تک
اوُل شیریدن قاچاردیلا روباه پیر تک
.
کثرت اولوبدی صورت وحدتده آشکار
دولموشدی کربلایه حسین الده ذوالفقار
.
یوز مین سواره هر طرفه ایلیوب نگاه
ایتمزدی جلوه غیر حسینیله ذوالجناح
.
حیرتده قالدی کثرت اجسام عشقیدور
یوخ عیب سوزده معرکۀ بدر مشقدور
.
آز قالدی روح قطع ایده اجسامیدن قبول
فی الفور عهدنامۀ زر ایلدی نزول
.
سالدی خیاله دورۀ عنقای قافیدن
قویدی غلافه تیغی گیچوبدور مصافیدن
.
گیتدی جدال موقعی گلدی زمان عُسر
عرض ایتمرم نه ظلم ایلدی مالک بن یسر
.
حکم ایتدی ابن سعد ستمگر سپاهینه
حایل اولوب حسینیله اوز خیمه گاهینه
.
لشکر قاریشدی بیر بیرینه برهم اولدی صف
بعضیسی گیتدی غارت ایچون خیمیه طرف
.
اهل حرم نه گوردی گلور های هو سسی
خوردا اوشاقلارین یتیشوب عرشه ناله سی
.
زینب الی باشیندا کنار اولدی خیمه دن
سسلندی یا اخا کمکه گلموس ندن
.
گورجاق صدای زینبی فرزند مصطفی
ایتدی ندا او فرقیه مظلوم کربلا
.
ایتدی خطاب لشکره ای قوم بی ادب
یوخ دین سیزده هاردا قالوب غیرت عرب
.
ای قوم خیمه لر یولونی دوتمیون بو گون
من ئولمه میش عیالیمی قورخوتمیون بو گون
.
رجّاله لر بُلوبله منیم ضعف حالیمی
ایستولّه من باخا باخا سویسون عیالیمی
.
ما دمت حیّاً استحیوا ایها الظّلام
یا شیعة المُعاویه لا تدخلوا الخیام
.
غیظیله شمر سسلدی ای فرقۀ جهول
کفّو کریمیدور سوزینی ایلیون قبول
.
اول بیحیا کناره گلوبدورسپاهیدن
امر ایلدی قیتدی قشون خیمه گاهیدن
.
اوّل گلون بو تشنه لبی راحت ایلیون
باشین وورون جدایه صورا غارت ایلیون
.
بیردسته دوردی خنجر و شمشیریله ووران
بیر عدّه سنگیله بیریسی تیریله ووران
.
راوی دیر باخوردوم او مظلوم تشنه لب
گوردوم تکلّم ایلوری آهسته زیر لب
.
بولدوم تمام اولور بو جهاندان گیدور بو گون
ایتدیم یقین بو فرقه نی نفرین ایدر بو گون
.
بیحال اولان زماندا او مظلوم ایدردی غش
حاله گلوب دیردی ایا قوم العطش
.
دلدن دوشوب گلوب دله سویلردی دشمنه
جدّیم رضاسینه سوسوزام سو ویرون منه
.
بو غملی ماجرانی روایت ایدر هلال
بیر شربه سو گتورماق اونا ایلدیم خیال
.
گلدوم بیانه ایتدیم عمرسعده ماجرا
بلدوم سکوت اولماقینی موجب رضا
.
دوتدوم فرات سمتینی گیتدیم او حالیله
جامی لبالب ایلدیم آب زلالیله
.
شاید او آبیله اؤزیمه آبرو ویرم
جان ویرمه میش او تشنیه بیر جرعه سو ویرم
.
اثنای راهیده دوشوب آفاقه انقلاب
گون تیره لندی گوگده منادی ایدوب خطاب
.
بو اهل کوفه حقّی فراموش ایدوب بو گون
پیغمبرین چراغینی خواموش ایدوب بو گون
.
گوردوم او وقته شمر گلور الده خنجری
معلوم اولوب قویوبدی اوغولسوز پیمبری
.
گورجک هلالی شمر خطاب ایتدی یا هلال
سن بو سوئی هارا آپارورسان ندور خیال
.
سسلندیم ایستورم آپارام بو حسینه من
جان تاپشوراندا خدمت ایدم بو حسینه من
.
دؤندی دیدی سو ویردیم اونا خنجریله من
زحمت چکوب او تشنه لبه سو آپارما سن
.
دامانین آچدی ویردی حسین باشینی نشان
گوردوم او قانلی باشدان آخار لخته لخته قان
.
«واقف» بس ائت سوزون دل زهرانی داغلادی
کرّوبیان او گون بو قضایایه آغلادی
.
.

متن پیشنهادی:  نیزه باشندا باشون گَلموش بیانه قارداش #کوفه_ذهنی_زاده

.
#حسینیه_واقف_سرابی
#حسینیه_شجاعت #حسینیه_شهادت
#حجت_تمام_قیلدی_او_الله_حجتی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی