زبدةالاشعار

حرمله اوچ اوخ ووروب اوچ شعبه عاشورا گونی #عاشورا #اشکی_تبریزی

#عاشورا_گونی
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
اشکی تبریزی

حرمله اوچ اوخ ووروب اوچ شعبه عاشورا گونی
زینبه بر پا اولاندا محشر کُبرا گونی
.
.
هر اوچی اوچ شعبه لیدی مقتلین مرقومیدی
شعبه لر کسگین قلج تک تیزیدی مسمومیدی
اوخ آتانلاردان چیلمیش بو لعین شومیدی
تیری گتمزدی خطا هرگز اونون هیجا گونی
.
.
اوّلین تیرین أبوالفضلین جبینوندن ووروب
باطناً امُّ البنینون قلبینون بندین قیروب
آخدی آنّیندان عُذاره گوزلرین قان دولدوروب
نوردن دوشدی گوزی اولدی شب ظُلما گونی
.
.
ایلموشدی لوح تقدیره قضا بیله رقم
قوللاری بیر مشگ سو اوسته او گون اولسون قلم
بیر گوزونده گلدی تیر حرمله ائتدی عدم
هاشمیّاته أُو ساعت اولدی واویلا گونی
.
.
گون کیمی تلّ اوسته دورموشدی او مولای عطوف
اوخ دگنده قارداشا ایوای دیوب شاه رؤف
ایلدی میدانِده ماه بنی هاشم خُسوف
بو خُسوف ائتدی خِیَمده مُنکَسَف گویا گونی
.
.
عهد و پیمان باغلیاندا شاه دین جانانیله
تیر دوّم دوشدی نام أصغر عطشانیله
بو سَبَبدن ایچدی سو اوچ شعبه لی پیکانیله
ثبت اولوب طومارده امضا ایدوب سودا گونی
.
.
شاه عطشان اللرینده اصغری رنجوریدی
گوئیا خورشید دن منشق اولان بیر نوریدی
حرمله اوخ الده حلقی اصغرون منظوریدی
قالدی حیرتده نشان ائتسون او نوری یا گونی
.
.
اللری اوسته حسینون گوردی اصغر جان وئرور
گوردی بو صحنه حسینی انقلاب اعلان وئرور
سویلدی عکسین نشان بو مطلبین پیکان وئرور
سالدی غوغا عرشه بیر پیکانیله غوغا گونی
.
.
اصغرین روحی قفسدن مایل پروازیدی
حرمله بیر سنگدل بی رحم تیراندازیدی
بو مهارتده عَرَبده اوخ آتان چوخ آزیدی
انتخاب ائتموشدولر اوخ آتماقا دعوا گونی
.
.
تیر سوّمدن پوزولدی نظم افلاک آغلادی
باشین آشدی چکدی ناله شاه لولاک آغلادی
ئوز گریبانین ایدوب شیر خدا چاک آغلادی
لیل دیجوره دولاندی زهرۀ زهرا گونی
.
.
روز عاشورا او گون که اولدی محنتلر مزید
گئتدى انصاری حسینون قالدی بی یار و وحید
تک ئوزی پیغمبر اوغلی نچّه مین قوم یزید
جلوه ائتدی دین اسلامین قالان تنها گونی
.
.
ایلدی اتمام حجّت حجت حق باطله
گوردی تأثیر ائتموری سوز لشکر تیره دله
گلدی غیظه قبضۀ شمشیرینی آلدى اله
لشکرین نظم نظامین پوزدی عاشورا گونی
.
.
بیر رشادتله ایدوب دعوا حبیب لایرا
آز قالوب جیش جفا مغلوب اولا پیمان سینا
ایلَدی مجذوب عشقه هاتف غیبی ندا
ترک ایله جنگی یِتیشدی عهدیوه ایفا گونی
.
.
بو صدا جذب ائتدی اولدى طالب وصل نگار
شوقدن گئتدی الیندن قوّتی بی اختیار
قویدی شمشیرین غلافه اولدی لشکردن کنار
ایلدی تکیه جدایه محشر کبرا گونی
.
.
قلب عالم گلدی دوتدی قلب میداندا قرار
وجه وجه الله گون تک گرچه اولدی آشکار
گورمیوب انوار حقی کور باطن اهل نار
کیم گوروب گورسون جهاندا چشم نابینا گونی
.
.
سجده گاهوندان امامین بیر لعین بی حیا
ووردی بیر داش ائتمدی اول سنگدل شرم و حیا
قان جمال اللهی دوتدی تیره گون اولدی هوا
پرده چکدی قان دوتولدی عالم اعلا گونی
.
.
دامنون الده دوتوب اول مظهر جان آفرین
تا جمال اللهدن ثاراللهی پاک ایلسین
گون کیمی قلبی نمایان اولدی گلدی بو یقین
زینب مظلومه نین باشلاندی واویلا گونی
.
.
اعتذاریم وار بو سوزده ای شهنشاه کبیر
قلبی قلب عالمین گورسندی چون ماه منیر
پیک جانان تک گلوب گویلون آلا اوچ شعبه تیر
تیرہ لندی گون دوتولدی حضرت طاها گونی
.
.
داغ اکبر اوستونه نصب اولدی تیر زهردار
ایله بیر نحویله اوتدی قلبده دوتدی قرار
اولمادی ممکن قاباقدان ایلسون تیری کنار
پشت کتفیندن چخاتدی صورت و معنا گونی
.
.
الده ثاراللهی دوتدی شافع یوم حساب
گویلره سپدی خدایه ایلدی بیله خطاب
شاهد اول ناحق بو قانی توکدولر اهل عذاب
قان دولوب آفاقه دوتدی پردۀ حمرا گونی
.
.
نیّر اعظم یخیلدی صدر زین اوستن یره
منقلب اولدی کواکب، دگدی عالم بیر بیره
لشکر باطل چکوب حق دوره سینده دایره
دورہ دن ائتدی احاطه ابر تک اعدا گونی
.
.
سینه سی از بس نشان ناوک پیکان اولوب
خانه زنبور تک گل پیکری شان شان اولوب
یرده شمس دین حق ئوز قانینه غلطان اولوب
گوردی بو حالی هواده تار اولوب دنیا گونی
.
.
صون نفسده ایستدی قیلسون ایکی رکعت نماز
دوشدوقی یرده آخان قانیله آلدی دستماز
باشلادی باش سجده ده جانانیله راز و نیاز
عرض ایدوب یارب بو من بو عهدیمون ایفا گونی
.
.
من خدایا ایلدیم ئوز عهدیمه بو گون وفا
هر بلا یتدی یولوندا شوقیله وئردیم رضا
اُمّتین عاصی لریندن سنده گئچ روز جزا
اذن وئر ایلوم شفاعت محشر کبرا گونی
.
.
«اشکی یَم» چوخدور گناهیم یا حسین درماندیَم
غرق دریای گناهم درد بی درماندیَم
آغلارام اقا سنه شام و سحر هر یاندیَم
لطف قیل ایله شفاعت محشرین بریا گونی
.
.
#حسینیه_شهادت
#حرمله_اوچ_اوخ_ووروب_اوچ_شعبه_عاشورا_گونی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  من زینبم درده دوا منده دی #زینبیه_ساعد_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی