زبدةالاشعار

حسن نشانی سریه جانی جمالی آلقان جوان بالام وای #قاسمیه_آسال_اردبیلی

زبانحال مادر حضرت قاسم(ع)
.
✍️ زبدة الاشعار ✍️

?: @nohe_torki
.
کربلایی نوید آسال اردبیلی
.
حسن نشانی سریه جانی
جمالی آلقان جوان بالام وای
باشی بلالی الی حنالی
شهید قرآن جوان بالام وای

.
بالام یخیلدی اورک سیخیلدی
آنون اولوبدی سنه عزالی
گونوم قرالدی باشیم آغاردی
أولونجه اولدوم باشی قرالی
قالوب اورکده نه آرزیلار وار
طویندا اولدی هامی نوالی
او بزم غمده هامی حرملر
اولوب نواخوان جوان بالام وای

.
گوزوم دولوبدی گلوم سولوبدی
بیرآز زماندا واریم یوخ اولدی
اورک قان اولدی بالام أولوبدی
هامی حرمنن غمیم چوخ اولدی
غم فراقون بو غملی قلبه
سه شعبه اوخ تک بالا اوخ اولدی
بو دشت غمده بالام ستملن
اولوبدی قربان جوان بالام وای

متن پیشنهادی:  عصمت کبرایِ حق ، محبوبۀ داور منم #فاطمیه_عدلی_تبریزی

.
قانون آخاندا جانون چیخاندا
او لحظه ای کاش آنون أولیدی
بو قوم کافر اوخوش جماله
ویران زمان داش ننون أولیدی
یارالاروندان آخان زماندا
ترابه قان کاش ننون أولیدی
بو غملی صحرا منیم گوزومده
اولوبدی زندان جوان بالام وای

.
بو قدری لشکر اون اوچ یاشیندا
تزه جوانه ویروبلا یاره
یارون چوخ اولدی چوخی اوخ اولدی
دوا یوخومدی ایدوم نه چاره
بو محنتونده خدای رحمان
جنانه یکسر چکوبدی قاره
شهادتونله تمام عالم
ایدوبدی افغان جوان بالام وای

متن پیشنهادی:  یتیش فریادیمه ای تاجداریم سروریم قارداش #عباسیه_حقیر_خویی

.
سنون فراقون بو دل کبابی
ایدوبدی نالان یارالی اوغلوم
جناندا زهرا آچوبدی باشین
اولوبدی گریان یارالی اوغلوم
یارالاروندان ترابین اوسته
سوزوردی هی قان یارالی اوغلوم
نبی اکرم ولی اعظم
دیرلر هرآن جوان بالام وای

.
او قاره گوزدن بو قاره بختی
وفالی یاریم نیه آتوبسان
بو غم چولونده جفا الیلن
قیزیل قان ایچره نه خوش یاتوبسان
سماده اولدوز مثالی اوغلوم
گونی گوربسن سورا باتوبسان
شه مکرّم جنازون اوسته
اولوبدی گریان جوان بالام وای

متن پیشنهادی:  جدّۀ سادات جهان فاطمه دور فاطمه دور #فاطمیه_معزی_اردبیلی

.
#سبک_آچیلدی_پرچم ( 10 سبک )

.
#قاسمیه_شهادت
#حسن_نشانی_سریه_جانی
#آسال_اردبیلی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی