رجز غارت خیام
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
حسینون درگه و درگاهی یاندی
ویروب اود کوفیان پرگاری یاندی
.
.
او اثناده چون اول شاه خجسته
یخیلدی کوی وحدتده قوم اوسته
ائدوب حمله خیامه دسته دسته
دوتوپ اود خیمه و آمالی یاندی
.
.
یانوب خیمه عدو آیری هوس ده
دوشوبدی حصره عاشق بیر قفسده
سوروندی سینه خیز آخر نفسده
سوروندی خیمه گاهه ساری،یاندی
.
.
بوحالدا ناگهان گوداله دوشدی
بو گوداله گونشدن حاله دوشدی
اوجالدی عرش و فرشه ناله دوشدی
فلک مبهوت اولوب افکاری یاندی
.
.
حسین وصلت تاپوب دریانی گوردی
چکیلدی پرده لر جانانی گوردی
ایچوب پیمانه دن پیمانی گوردی
حدود وصلتون معیاری یاندی
.
.
تمووج ائتدی عشقون شعشعاتی
ایشیقلاندیردی امواجی جناتی
قویوب حیرتده کل کایناتی
چراغ وحدتون اغماری یاندی
.
.
اولوب واحد احد صرف اولدی باده
گوروب جانانی میقات سماده
تاپوب وصلت اولوب وحدت اعاده
تجلایه گلوب انواری یاندی
.
.
آچوب گوز باخدی اخیامه دوباره
گوروب اعدا سالوب شور و شراره
نه اولدی ایلرم کوتاه اشاره
دوتوب اود خیمه ده قیزلاری یاندی
.
.
کناره چکدی اود دود سیاهین
حصار ائتدی ربابون خیمه گاهین
الو قطع ایلیوب امیدگاهین
سوسوز شش ماهه نون گهواری یاندی
.
.
او اود چوخ شعله چکدی یاندی خیلی
دوباره خیمه گاهه سالدی میلی
گوروبدی اکبرین اود دوتدی لیلی
یاشیل امامه شهواری یاندی
.
.
وزیر اخیامینه اودلار الندی
اود ایچره قانلی پرچم جلولندی
سو مشکی اود دوتوب غم تازه لندی
دوشوب یاده، اورکلر باغی یاندی
.
.
آلوب آغوشه آتش طوی اتاقین
پوزوبدی حجله گاهین طمتراقین
عروسین شعله لر دوتدی سراغین
واریدی هرنه طوی آثاری یاندی
.
.
اوجا بیر بوی خانم درگیر آتش
ائدوب اود شعله سیلن چوخ کشاکش
چکنده ناخوشون اوددان ائدوب غش
دئدی قارداشیمون بیماری یاندی
.
.
اوجالدی سس حرم آهولریندن
اوپوب اود دم به دم گیسولریندن
هراسان تر آخوب مه رولریندن
دوتوب اود صورت و رخساری یاندی
.
.
رخ شطرنجیده شه مست باده
دایاندی پیلتن آتلی پیاده
وزیری ییخدیلار قولسوز مناده
دوشوب شه آتشه شهواری یاندی
.
.
.
#غارت_خیام #بیضا_اردبیلی
#حسینون_درگه_و_درگاهی_یاندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید