زبدةالاشعار

حسین ای زینبین جانی کَرَم قیل بیر دایان قارداش #وداع_بیدقداری

وداع حضرت اباعبدالله الحسین علیه السلام
.

#سبک_علی_اصغر_مه_انور
(بیش از 7 سبک شامل سبک های … منیم ای تشنه قربانیم … حسین تعجیلیلن گئتمه … بزن بر سینه و بر سر … )

.
مرحوم حاج داود بیدق داری
.
.
حسین ای زینبین جانی
کَرَم قیل بیر دایان قارداش
اگر دیندیرمَسون الان
ئولر زینب اینان قارداش
.
.
او گون که باغلادیم پیمان سنیله عشق یار اوسته
چالیشدیم خوان عشقونده اولام مهمان وارسته
خیال ائتمه باجون زینب بلا گلسه اولار خسته
وارام پیمانیمون اوسته نقدری واردی جان قارداش
.
.
فلک بیلدی روا جامِ مصیبت لب به لب دولسون
ولایت گلشنی دست خزان ظلمیدن سولسون
کیمیم واردی بو صحراده اگر سنده شهید اولسون
بو میدانه قدم قویسون اولار قَدّیم کمان قارداش
.
.
بو ایثاره قالوب حیران گویون اهلی باخور یکسر
ئوزون تشنه اورک داغلی یوزون جنّت لبون کوثر
سنه قربان ئوزوم قارداش آنام زهرا آتام حیدر
اولاردا غصّه دن اولموش منیله هم زبان قارداش
.
.
صفا تاپدی صبا قارداش سَحَر راز و نیازوندن
گونش چخدی شرار آلدی سنون سوز و گدازوندن
منیمده واردی گویلوم تا اؤپم تشنه بوغازوندن
شرارونده یانام بیرده وئرم جانانه جان قارداش
.
.
الون قوی قلبیمون اوسته تاپوم آرامش ای جانان
و یا ایله دعا قارداش اجل گلسین قوتارسین جان
اگر قالسامدا دنیاده منی دیلدن سالار هجران
ائله بیلّم بو ساعتده وفاتیمدور عیان قارداش
.
.
بو قانلی عرصه ده قارداش ائدور درک خطر زینب
هارا گئتسون بو چولده نقد جان الده گئدر زینب
بویور سن سیز اولار کیملن بو یولدا همسفر زینب
ئولن ئولدی دوشوب درده بو ماتمده قالان زینب
.
.
منیم دار و نداریم گئتمه بو طوفانلی میدانه
گئدن گلمور بو میداندان باتور یکسر قیزیل قانه
یئر آغلور گوئیا چون گوی گئدور اجرای پیمانه
بو پیمانه زمین آغلور ائدور نوحه زمان قارداش
.
.
.
#وداع #حسینیه #حسینیه_وداع
#حسین_ای_زینبین_جانی_کرم_قیل_بیر_دایان_قارداش
#بیدقداری
#ترکی
#زبدةالاشعار

متن پیشنهادی:  گل و گلزار ادبدن گل ریحان گئتدی #پندیات_رسول_بابایی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی