زبانحال حضرت زینب سلام الله علیها در حال احتضار
.
✍️ زبدة الاشعار ✍️
.
🆔: @nohe_torki
.
سبک : حسین تعجیلیلن گیتمه … حسین جان گل علمدارون … خداوندا الیم بوشدی …
.
#محمدرضاصادقی
.
حسین بو عمریدن زینب گلوبدور جانه حیف اولسون
عجب دنیا اولوب سنسیز منه غمخانه حیف اولسون
.
قالوب یولدا گوزوم قارداش
اورکده وار سوزوم قارداش
.
.
.
ازلدن سوز ویروب قارداش بلایه هم قسم اولدوم
سن امضا ایلینده عهدی منده هم قلم اولدوم
گلن گوندن بو دنیایه سنیله همقدم اولدوم
سونوب شمعیم عجب تنهادی بو پروانه حیف اولسون
.
.
.
ئولن گوندن آنام زهرا گوزومده تار اولوب عالم
عذاره گوز یاشون توکدوم باجی قارداشیلن باهم
او گوندن گیمیشم قاره او گوندن دوتموشام ماتم
دوشور یاده یانور قلبیم ایله دورانه حیف السون
.
.
.
آنام ئولدی آتام قالدی او غملی عرصده تنها
ایله گوردوم آدامسیزدی آلوبلار حقّینی اعدا
گیدوب چاهه دیینده دردینی سسلردی یا زهرا
او گوندن آشنالر اولدولار بیگانه حیف اولسون
.
.
.
صیامون بیر گونونده صبح وقتی ناله قوزاندی
نه گوردوم یل قوپوبدور شهریده بیر آیری طوفاندی
بوسس گوردوم گلور قلبیم باجی زهریله دوغراندی
ایویمده محرمیم سالدی منی طوفانه حیف اولسون
.
.
.
او چولدن آیرلاندان غم منه یوللاردا یار اولدی
او باشون عشقی هر یرده منه قارداش عیار اولدی
ایراخ قارداش گوزوندن کوفه آیری بیر دیار اولدی
داش آتدی بیر عجوزه ناطق قرآنه حیف اولسون
.
.
.
شکایت ایلیوم قارداش سنه شامون هاراسیندن
امان قارداش شمادتدن امان بو دل یاراسیندن
یهودی کوچه سینده اود توکنلر دن ، جفاسیندن
بالان یاندی دئدیم بو عابد نالانه حیف اولسون
.
.
.
دچار اولدوخ عجب بو شهریده بیر پست سلطانه
ویروب بو اهل بیته مسکن اولدی شام ویرانه
حسین دلخسته بیمارون سالوبلار بوردا زندانه
گتوردی کُنده و زنجیر اونی افغانه حیف اولسون
.
.
.
خرابه ایچره قیزلارون حسین قلبی کباب اولدی
گونوز صبحی، گجه شامی، بیزه شامین عذاب اولدی
گورنده باشوی طشت ایچره احوالیم خراب اولدی
ئوپوب نازلی دوداقون ئولدی بیر دردانه حیف اولسون
.
.
.
منیم احوالیمی قارداش گورورسن ایمدی گل شامه
یولون گوزلر باجون زینب حسین وار آیری هنگامه
اجل باش اوسته یوخدور بیر کسیم باخ بو سر انجامه
اورکده چوخ سوزوم قالدی قالان عنوانه حیف اولسون
.
.
.
ئولنده هر ئولن ایستر کی چوخ اولسون عزاداری
باجوندا گوگلی ایستور قارداشی اولسون هواداری
منیم بیر خواهشیم واردور گتورمه سن علمداری
خجالتدن کسیلمیش قولّاری عطشانه حیف اولسون
.
.
.
حسین غسّاله گورسه جسمیمی سویلر بو تائب دور ؟
گلوبدور دفنیمه اوغلون سنه سجاد نائب دور
یازون قبریم داشیندا بو خانم ام المصائبدور
گتورموش قمچیلر اعضاسینی القانه حیف اولسون
.
.
.
نیه بو «صادقی» یازدی باجون قارداش گلوب جانه
نه قاسم وار نه اکبرآغلاسونلار بو پریشانه
دئنن قارداشلاریم گلسون حسین شام غریبانه
یورولدوم من بو دنیادن بئله پایانه حیف اولسون
.
.
#سبک_حسین_جان_گل_علمدارون
#سبک_خداوندا_الیم_بوشدی
.
.
#زینبیه_شهادت
#حسین_بو_عمریدن_زینب_گلوبدور_جانه_حیف_اولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید