حسین مریدی ام …
.
.
موسی آقایی اردبیلی
.
حسین مریدی ام اغیاری مدحت ایلمرم
بیر اوزلی ام اوزومو غرق ذللت ایلمرم
.
وجودیمی کوله دوندرسه گر حرارت عشق
حضور حضرت یاره شکایت ایلمرم
.
بیر عده جنتین عشقینده سینه چاک ائلسه
جنانه بنده حسین سیز عنایت ایلمرم
.
نگاره عمرومو وقف ائتمیشم الیمده قلم
حدیث عشقدن اوزگه روایت ایلمرم
.
تملق اهلی کیمین دینه ویرمارام ضربه
سوسوز شهیدین آدیلان تجارت ایلمرم
.
حسینین عشقی منه مشعل هدایتدی
ایشیقلی قلبیمی مأنوس ظلمت ایلمرم
.
منی بو درگهه سائل یازیبدی کاتب عشق
امیر دولت عشقه خیانت ایلمرم
.
بئش اون گون عمردن اوتری ایتیرمرم ئوزومی
دیلیم کسیلسه ده ظلمی حمایت ایلمرم
.
منیم وجودومی گر قطعه قطعه دوغراسالار
حقیقت آیناسینا هتک حرمت ایلمرم
.
حسینه منکر اولان رذله ائیمرم باشیمی
یزیده اوخشارا ، ئولسمده بیعت ایلمرم
.
حقوق ملت مظلومی سالمارام خطره
فلانی لر کیمی مخلوقی غارت ایلمرم
.
بو شعرلر منه #موسی عطای دلبردی
عطای دلبره کفران نعمت ایلمرم
.
#حسینیه_مدح
#پندیات
#حسین_مریدی_ام_اغیاری_مدحت_ایلمرم
#موسی_آقایی
#ترکی
.
نظر دهید