وداع حضرت امام حسین (ع)
زبانحال حضرت زینب(س) در وداع حضرت امام حسین(ع)
.
✍️ #زبدةالاشعار✍️
.
🆔: @nohe_torki
.
مرحوم رهبری تبریزی
.
حسین یالقوز بیله گیتمه بومیدانه دایان قارداش
سنون احوالیوه یوخدور منیم تک بیریانان قارداش
حسین قارداش حسین قارداش
.
.
باخور قیزلاراوغولسوزلار یوزه توکمه بیله گوز یاش
منی قویما بیله آغلار ندور چارم اوزون قیل فاش
ئولیدی بینوا زینب ازل گونده حسین قارداش
دولانسون باشوه زینب ایاق ساخلا دایان قارداش
حسین قارداش حسین قارداش
.
.
باجی قارداشدان آیرلسا گلر ذیحقدی افغانه
بو صحراده دوزوم قارداش نجه من درد هجرانه
علاجیم یوخ گیدیرسن گیت قالوم منده یانا یانه
دلیم دوتمور اورک دردین ایدم بیربیر بیان قارداش
حسین قارداش حسین قارداش
.
.
باشون قانی آخور باشدان آتام حیدر دوشور یاده
گیدیرسن سنده بس نیلوم کیمیم وار دور یته داده
ره دینده اسیر اولام شقى قومه بو صحراده
یانار احوالیمه هر آن منیم اهل جهان قارداش
حسین قارداش حسین قارداش
.
.
نجه سندن اوزوم من ال دوزوم بو درد هجرانه
گوزی یاشلی آنام اوغلی یولا سالام بو میدانه
اوقان تک قان اولوب قلبیم دونوب هم گوز یاشوم قانه
بلالی زینبون گورسون سنی بیرده هاچان قارداش
حسین قارداش حسین قارداش
.
.
ازل گون ایتمیشم اذعان هامی ظلمه دوزوم قارداش
گرگ جبریله ال سندن بو صحراده اوزوم قارداش
آنامدان بو وصیت دور بوغازوندان اؤپوم قارداش
اولارمیش فرقت و هجران بو دنیاده یامان قارداش
حسین قارداش حسین قارداش
.
.
بو نار غمده یانام من دیسم منده دوزوم واردی
اولونجا محشر کبرا حسین سنده گوزوم واردی
آتوندان ان یره قارداش سنه دیلده سوزوم واردی
منى فكره سالوب ایله وداعون بو زمان قارداش
حسین قارداش حسین قارداش
.
.
منه حسرتله چوخ باخما على أوغلى وفا کانی
نِئدر سنسیز باجون زینب جلال و شأن دنیانی
گیدیرسن ایمدی کی قارداش دانشدیر امّ لیلانی
ئولوب اوغلی سنوب قلبی حزین ایلورفغان قارداش
حسین قارداش حسین قارداش
.
.
الین قوی قلبیمه قارداش اولا قلبیم بیر آن آرام
یولا سالسون سنی زینب ئولنده ئولمه سین ناکام
گوزتلور ایمدی یولّارون بو چولده قان توكن ظلّام
سنه باخدوقجا گوز یاشیم اولور گوزدن روان قارداش
حسین قارداش حسین قارداش
.
.
سُراقیم یوخدی بیر شهدن گییه پیراهن کهنه
نجه تاب ایلسون سانسیز اوخا بیر یاره لی سینه
حسین قورخوم بودور سویسون لباسون فرقۀ کینه
قالا عریان بدن تپراقلار اوسته بی نشان قارداش
حسین قارداش حسین قارداش
.
.
حسینیم (رهبری) ایلوب توسل بیله آئینه
سورونموش آستانونده بیر عمری ایتموسن بیمه
نه قدری ساقدی دنیاده کمک دور یاریدور دینه
بیر عمری راه دین اوسته قویوب ناچیز جان قارداش
حسین قارداش حسین قارداش
.
.
#وداع_رهبری_تبریزی
#حسینیه_وداع
#حسین_یالقوز_بیله_گیتمه_بو_میدانه_دایان_قارداش
#ترکی
.
✍️ #زبدةالاشعار✍️
.
🆔: @nohe_torki
نظر دهید