زبدةالاشعار

حضرت خاتم ئوزینی قیلدی پنهان غاریده #حسینیه_بیضا_اردبیلی

شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
حضرت خاتم ئوزینی قیلدی پنهان غاریده
راس شاه کربلا وردی اناالحق داریده
.
.
ایلدی جانان یولندا تشنه لب جانین نثار
دعوی الیوم لمن الملک وردی آشکار
گتدی اثنینیت اوادی عین وحدت برقرار
عقل قاصر اولدی فهم آواره بو اسراریده
.
.
نیزه باشیندا تجلا ائیلدی ذات خدا
اولدولار مستغرق حیرت عموما انبیا
انبیا تنها نه بلکه خالق ارض و سما
شاهیدیمدور حق ئوزی الحق که بو گفتاریده
.
.
یاره لی گوردی دوشوب تپراقه نعش شاه دین
گلدی فریاده وروبدور یاشینه روح الامین
سایبان قیلدی حسینون نعشی اوسته شهپرین
گون اذیت ائتمسون میدان کارزاریده
.
.
صادر اولدی باشسیز بدندن اولدی قهر آمیز خطاب
سایوه یوخ احتیاجیم قیلدی جبریله عتاب
خدمت شایانیدور درگاهیمیزده مستجاب
دعوی مستی دی تا مقبول قرب یاریده
.
.
تحت سایمده منیم ساکندی کل ممکنات
سایه پروردور وجودیمله جمیع کاینات
عالمه بو تشنه لبلردن یتر آب حیات
مالک الملکم نه مملوکم اولوالابصاریده
.
.
ظاهر صورتده گرچه بو شه عرش آشیان
دستگیر قوم ظالمدور اسیر کوفیان
باشینی شمر لعین کسمیش الینی ساربان
جای سالم قالمیوب بو جسم زخمداریده
.
.
فانی مطلق اولور آفاقه گوسترسم جمال
که منم شمس حقیقت یوخ منه هرگز زوال
آت ایاقی آلتدا گرچه جسمیم اولموش پایمال
قالمش اولاد و عیالیم باشسیز آه و زاریده
.
.
نعشیمون اوسته سکینم ایستر ائتسون آه و زار
باشینه قمچی ورار قویما او شمر نابکار
بیر نفر یوخدور دین ای ظالم ایام بهار
تیکمک اولماز بلبولون منقارینی گلزاریده
.
.
التماسیم تک بو دورسندن که ای مظلوم امام
قبرینی «بیضانون» ایله وادی دارالسلام
دم ورار قرخ ایلدی سندن روز و شب مطلق تمام
یا حسین تز یت هرایه وقت استحضاریده
.
.
.
#حسینیه_شهادت
#حضرت_خاتم_ئوزینی_قیلدی_پنهان_غاریده
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای دل لیلا توانی کوکب اقبال اوغول #اکبریه_هوشی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی