زبدةالاشعار

حمد اولا حقه بیزی اهل تولا یارادیب – #حسینیه_بیضائی_بناب

راز و نیاز حضرت سید الشهدا علیه السلام در قتلگاه
.
✍️ زبدة الاشعار ✍️

?: @nohe_torki
.
حاج اکبر بیضائی بناب
.
حمد اولا حقه بیزی اهل تولا یارادیب
شیعه نسلینده وجودی حق یکتا یارادیب
.
هر او نعمت کی هامی ماخلقه لازمدور
ئوز یئرینده هره سین خلق و محیّا یارادیب
.
آلتی گونده یارادیب یئر گویی خلاق جهان
کل دنیانی ئوزی سئوملی زیبا یارادیب
.
ارتزاق بشره ، زندگی دنیایه
ایچماغا،اکماغا حق گور نچه دریا یارادیب
.
قالماسین تا بو بشر جهل و فرومایگی ده
انبیانی اودی انسانلیقا مبنا یارادیب
.
اشرف اولماقه یارانمئشلارا عالملرده
حضرت ختم رسل، سید طاها یارادیب
.
جانشین اولماقا طاهایه خداوند رحیم
نصِّ قرانه گوره حیدری تنها یارادیب
.
نسل خیرالبشری نشر ایله سین دنیایه
اونا بیر خیر کثیر حضرت زهرا یارادیب
.
اولماقا کفو ، خانم فاطمه ی زهرایه
حیدری حضرت حق ، کوثره همتا یارادیب
.
حضرت فاطمه ذرّیه سیدور اون بیر امام
اولاری شیعیه آیینۀ تقوا یارادیب
.
نور واحدّی ایکی عالمه اون دورت معصوم
یئر گویی بونلارا خاطر حقِ اعلا یارادیب
.
حسنین سیّدِ والای جوانان بهشت
ایکی گول باغ ولایتده دلارا یارادیب
.
بونلارین آدلاری آغزیمدا منیم دادیمدی
بو گوزل آدلاری بال مثلی مصفّا یارادیب
.
شکر اولا ذات حقین بیر بئله نعمتلرینه
نه گوزل شیعه لره رهبر والا یارادیب
.
باغ خلقتده حسین گولدی نظیری یوخدور
بو گوله شیعه لری غرق تماشا یارادیب
.
ذکر ائدنده بو حسین آدینی روحیم دیریلیر
نه گوزل آدّی بو آد حیِ توانا یارادیب
.
دیل آچانان او مقدس آدینین عاشقییم
قلزم عشقه حسینی ئوزی معنا یارادیب
.
کلِّ عالمده یارانمشلاری قوی بیر طرفه
خلقتِ پاکِ حسینده ولی غوغا یارادیب
.
بو حسیندن ئوزی عهد آلموشیدی روز اَلست
امتحان وئرماقا دین اوسته شکیبا یارادیب
.
چون قیام ایلیه جاق کربُ بلا دشتینده
نصرتِ نهضتینه زینب کبرا یارادیب
.
بیر نفر ایستوری لب تشنه لره سو گتیره
قارداشی حضرت عبّاسینی سقا یارادیب
.
ائتماقا دشمنی رسوا طُلقا بزمینده
زینبین خطبه لرینده یدِ بیضا یارادیب
.
دوشه جاخ قتلگهه بیر گونی زهرا بالاسی
کربلا تپراقئنی قانلی مصلا یارادیب
.
مهبط عشقیده یاریله ملاقات ائلییر
قتلگاهی اونا موسی کیمی سینا یارادیب
.
یخلان وقتیده گوداله سوسوز لبلریلن
قانلی محرابیده حق گور نه تجلا یارادیب
.
.
سجده حالینده حسین دوشموشیدی تپراقه
ذکرِ یارب سسی اوج ائتمیشیدی آفاقه
.
.
قانلی مقتلده حسین گور نجه رفتار ائلیور
کیم گلور مقتله عشقینده گرفتار ائلیور
.
هر نئیین گوزدن آتوب ذکری فقط رحماندور
تشنه لبلرله خداوندیله گفتار ائلیور
.
عرض ائدور ای منیم اللهیم حبیبیم سن سن
سنون عشقوندی حسینی بئله هشیار ائلیور
.
هامی سرمایه می یارب سنه خاطر وئردیم
بو حسین، تک سنی بو دشتیده معیار ائلیور
.
گلور اخیامیدن هر چند گورورم ناله سسی
قزلارین آغلاماقی قلبیمی بیمار ائلیور
.
هامی اهل حرمی ایندی سنه تاپشوردوم
سوکولن سینمی عشقیندی کی سرشار ائلیور
.
وورولوب قلبیمه اوچ شعبه لی اوخ مقتلده
فاش اولوب سرِّ ضمیریم منی بیمار ائلیور
.
بو چوخور یئرده فقط تک سنی گورّم یارب
وصلیوون مایلیم دل تبِ دلدار ائلیور
.
وئرمیشم من هامی انصاری سنون عشقونده
تبِ عشقوندی فقط گرمیِ بازار ائلیور
.
حق مناسینده سنه یئتمیش ایکی جان وئردیم
هر نئیین ایندی حسین هدیه ی دادار ائلیور
.
عهدیمی باشه یئتیردیم بو بلا دشتینده
بار الها سنی بو غمزده دیدار ائلیور
.
آتمیشام گوزدن الهی هامی اهل حرمی
بو یارالی سنیلن لذّت بسیار ائلیور
.
بیر تقاضا ائدیرم سندن ایا ربّ جلیل
ائت اجابت بو دعا دیده می خونبار ائلیور
.
شیعه می روز قیامت منه خاطر عفو ائت
ئورگیم دردیمی مطرح دلِ بیدار ائلیور
.
قلم عاجزدی یازا راز و نیازون سوزونی
دِینی نی ایندی ادا نوکر دربار ائلیور
.
گوز یاشی دامنه #بیضایی بو غملرده الر
حشریده لطف نظر سیدِ ابرار ائلیور
.
جان وئرن وخته گوزوم یولدادی مولانی گوره
سگ دربارینه احسان ، شه احرار ائلیور
.
#حسینیه_مدح
#حسینیه_شهادت
#قتلگاه
#حمد_اولا_حقه_بیزی_اهل_تولا_یارادیب
#بیضائی_بناب
#ترکی
.
✍️ #زبدةالاشعار ✍️

متن پیشنهادی:  ای رسالت دفترینده نام بی همتا مُحَمَّد #17ربیع_سیفی_اردبیلی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی