خطاب به حضرت فاطمه (س) در عزای حضرت موسی بن جعفر(ع)
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور (بیش از 7 سبک سینه و زنجیر): منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
.
مرحوم #واقف_سرابی
.
خانم یا فاطمه بغداده گل آشوب محشردی
قورو یئرده وئرن زنداندا جان موسی ابن جعفردی
.
.
نظر قیل ظلم هارون الرّشیده گل گیلن درده
وئریبدی اوغلووا اون یدّی ایل منزل قورو یرده
گلوب سند ابن شاهک زهری دوتموشدو برابرده
دیردی بو رطبدن میل قیل یاخشی معطردی
.
.
قالیب زنداندا یالقیز آرزو ایلردی جان اوسته
گله اوغلوم رضا جانیم چیخا آه و فغان اوسته
قویوبلار دؤرد نفر حمّال نعشین نردبان اوسته
دیردی اهل زندان بی معین و بی برادردی
.
.
سلیمان ابن جعفر غرفه دن ایلردی نظّاره
نه گوردی دؤرد نفر حمّال بیر نعشه چکوب قاره
غلامه امر ائدیب گئت گورگیلن کیم دیر او بیچاره
غریبه بو غریبی دفن ائدن یوخدور محقّردی
.
.
خبر وئردی ملازم ،عرض ائدیللر اهل زنداندی
ویروبدور زهری هارون، لخته لخته لبلری قاندی
آدی موسای کاظم یثرب و بطحایه سلطاندی
آناسی فاطمه، جدّی علی نسلِ پیمبردی
.
.
سلیمان باشینه ووردی گلوب باشینه اولادی
دوتوب اطراف تابوتی اوجالدی عرشه فریادی
صدای واغریبا وا اماما دوتدو بغدادی
باخان شهره دیردی شورش محشر مصوّردی
.
.
سنی احباب یا باب الحوائج دفن ائدن گونده
آچوب زنجیری بوینوندان ایاقیندن آلیب کُنده
عجب تابوت اولوب جدّین حسینه تورپاق اوستنده
کفن شمشیر و تابوتی، سنان بالینی خنجردی
.
.
سنه یا سیّدی چوخ ظلم اولوب هر چند دشمندن
گورورلر جان وئریرسن دشمنین ال چکدیلر سندن
حسینین اللرین باشین جدا ائتمیشدیلر تندن
قالوب اوچ گون کفن سیز پیکری پامال لشگردی
.
.
سنین یا فاطمه اهل و عیالین دربدرقالدی
فلک غربتده ئولدوردی سنین آرامیوی آلدی
حسینین سود امر اوغلون سوسوزلوق نطق دن سالدی
قوجاقینده او مظلومین وئرن جان تشنه اصغردی
.
.
.
#کاظمیه_شهادت
#خانم_یا_فاطمه_بغداده_گل_آشوب_محشردی
#ترکی
.
✍️ #زبدةالاشعار ✍️
.
🆔: @nohe_torki
نظر دهید