توحید
کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم ذهنی تبریزی
.
خدادن ایتمه سن عنوان ذهنیا اولماز
که مبتدی اودور أونسوز هیچ ابتدا اولماز
.
قویاندا نظمه قلم یاز ازل خدا آدینی
که نام حقّ سیز هچ بیرکلام اَدا اولماز
.
خدا وحیدیدی یوخ شک و شبهه سی موجد
اگر تک اولماسا ایجاد ماسوا اولماز
.
نه وار شریک و دلیلی و لیک عادلدور
که جبر و علت تفویض اونا سزا اولماز
.
سمیع و عالم و قادر مرید و مدرک و حیّ
بصیردور متکلّم دی ماعدا اولماز
.
دگول مرکّب و مرئی نه وار محلّ نه شریکی
نه جسم دور نه معانی بیله غنا اولماز
.
هامی رسولی لری یوز ایگرمی دورت مین دور
محمّد اولماسا تصدیق انبیا اولماز
.
على أمامیدی برحق دی اون بیر أولادی
اولاردان اوزگه حقیقتده پیشوا اولماز
.
معاد حق دی قرآن کتاب دین اسلام
که قبله مؤمن ایچون کعبه دن شوا اولماز
.
اگرچه بیت خدا کعبه محترم دی ولی
جلال و مرتبه ده کعبه کربلا اولماز
.
او دور که کعبه یری فخر ایده نده یتدی ندا
که کعبه کربوبلاسیز بو یر بنا اولماز
.
گتوردی کعبه یه قربان خلیل اوز أوغلون
ولیک کسمه دی باشین که حق رضا اولماز
.
ولیک کرب و بلانی خلیل کعبۀ عشق
ایدوب منای حقیقت بیله منا اولماز
.
او کوی عشقده یتمش ایکی فدا ویردی
دیدی کسیلمه سه أوز باشیم اکتفا اولماز
.
جدا بدندن أولوب ظلم الیله قانلو باشیم
جدایه گیچمه سه باطلدن حق جدا اولماز
.
گورنده زینب او باشی قاچوب دالینجا دیدی
حسین باشون کیمی مرآت حق نما اولماز
.
ندندی بس بدنون ویرمیسن نشان باجووا
محالدور سنی من تاپمیونجه تا اولماز
.
گزردی قتلگهی اضطراب و هولیله
نه قدری سسلدی قارداش گوروب صدا اولماز
.
یتیشدی بیر یره گوردی که بیر یارالی بدن
که هیج بدنده بیله حدّسیز یارا اولماز
.
نه باشی وار نه لباسی دایاندی وحشتدن
گوروب گوزه بو بدن هرگز آشنا اولماز
.
تعجبیله دیدی سن منیم حسینیم سن
ندن سئوالیمه اصلا جواب ادا اولماز
.
کلام ناطق حق عاجز اولماز ایجابه
که عجز قدرت قادرده مطلقا اولماز
.
سبب ندور منی دیندورموسن آنام اوغلی
اسیر أولان باجیه یوخسا اعتنا اولماز
.
سنقدی قلبیم اسیرم شکسته گوگلومی آل
شکسته دللره کم لطفولوق روا اولماز
.
مگر مکدّر اولوبسان سنی قویوب گیدورم
نئدوم یانوندا قالوم راضی اشقیا اولماز
.
سنی الیمدن آلوب سالدیلار بلایه منی
بو درد چاره سیز اولدی داخی دوا اولماز
.
نه سندن آیریلا بولّم نه اهل بیتوندن
ندور علاجیم حسین بیله ماجرا اولماز
.
پیمبر اوغلی کفن سیز قالا حقارتیله
گون ایسّی سینده یارالی بیله جفا اولماز
.
قویوب جنازه وی یرده گئدوم نه نوع گئدوم
دئسم که دفن ایدرم شمر دون رضا اولماز
.
نه معجریم وار ایدم سایه بان نه گورمگه تاب
و اولیدی کاش باجون بو قدر بلا اولماز
.
چوخ ایسترم دوشیم زلفیمی یارالاریوا
ایدوم نه چاره که وقتیمده اقتضا اولماز
.
یازاندا بو غمی گوز یاشون آخماسا ذهنی
غبار غصه گیدوب ذهنده صفا اولماز
.
#کوچ_کربلا #ذهنی_تبریزی
#مناجات #حسینیه_حسینیه_شهادت
#خدادن_ایتمه_سن_عنوان_ذهنیا_اولماز
#ترکی
.
✍️ #زبدةالاشعار ✍️
.
🆔: @nohe_torki
نظر دهید