خروج از مدینه
زبانحال جناب فاطمه صغرا(س)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
خدا منیم کیمی هیچ بنده نی ذلیل ایتمه
قبیله سین داغدوب بیکس و علیل ایتمه
.
اگرچه ناخوش ایچون طاقت سفر اولماز
ولی سبب ندی که آهینه اثر اولماز
.
اگر اولیدی اثر ناله و فغانیمده
قالوردی باجیلریمدن بیریسی یانیمده
.
نه کول توکوم باشیما نیلیوم من ناشاد
کیمون یرینه باخوب آغلیوم چکوم فریاد
.
سرشگ دیده کیمی سالدیلار منی گوزدن
بو دوغریدور که دیللر دونرمش اوز اوزدن
.
او بلبلم که ستمله گلومدن آیریلدوم
قبیلم اهلی داغیلدی ائلیمدن آیریلدوم
.
گوگل داش اولسا اریر گورسه بیله احوالی
نجه گوروم بیر آغیر ایللرین یرین خالی
.
بو گونده که گورونور خانمانمیز ویران
نه گوندن اوتری داخی ساخلیوم من عمّه فغان
.
فلک آپاردی سیزی چوللری دولاندورسون
یروزده قالمادی بیرکس چراغ یاندورسون
.
شرار هجریله قلبیم منیم کباب اولدی
بابام که گیتدی پیمبر ایوی خراب اولدی
.
بابام رسول خدانون قاپوسی باغلاندی
سنون فراقویله بیر قبیله داغلاندی
.
پس حضرت گوردی آغلاماق سسی گلور دونوب باخاندا نه گوردی جناب ام السلمه خانم
عرض ایلدی:
.
سلیل سلسلۀ انبیاء ایاق ساخلا
گلور سلاموه بیر بینوا ایاق ساخلا
.
آتان علی باجیسی عمّه وم سنه قربان
اولوم گیدن یولوا من فدا ایاق ساخلا
.
توقف ایله گلوب بیربیرین دویونجاگورک
هنوز اوزاقدی اوغول کربلا ایاق ساخلا
.
قوجالمشام گله بیلمم الیوی ویر الیمه
قدیم کمان دوشوب الدن عصا ایاق ساخلا
.
مدینه ده سنیدون بیر قبیله نون بیوگی
گرک قاپولاری باغلی قالا ایاق ساخلا
.
خدانکرده اگر باشوه بیر ایش گلسه
قالولّا باشی کسوک اقربا ایاق ساخلا
.
گیدوب قبیله عزیزی قالوب تمام ذلیل
دخیلوم ایله رفع ملال ایاق ساخلا
.
ایشتدیم ایندی سنه انس وجن ایدر نوحه
عزا دوتوبدیلار ارض و سما ایاق ساخلا
.
///جواب امام (ع)///
.
ایتدون خموش چون بو دل زاری عمّه جان
گیت ساکت ایله زینب بی یاری عمّه جان
.
قویما چوخ آغلیا دوشه دلدن که شامه دین
غم کاروانینون اودی سرداری عمّه جان
.
مندن صورا یتیملرون هم حرملرون
زینبدی چوللر ایچره پرستاری عمّه جان
.
عزّتلی گون بوگوندی که محمل ایچنده دور
آلتندا واردی ناقۀ رهواری عمّه جان
.
وار بیرزمان اولور دوه کوهانی محملی
اکبر یرینه شمر شترداری عمّه جان
.
فریاد اودم که شامه گیرنده بوزینبی
تشبیه ایدله دیلم و تاتاری عمّه جان
.
بازار شامیده اولاجاقدور نقاب اونا
گه نیلی گاه زلف سمنباری عمّه جان
.
آخر ویرولّه منزلنی بیر خرابه ده
اوندان صورا که چوخ گزه بازاری عمّه جان
.
بیماریمون الینده الى آرزو ایدر
ایکاش اولیدی سایۀ دیواری عمّه جان
.
اما یزید مجلسنه ایسته سه اونی
گوندر او دمده حیدر کراری عمّه جان
.
هر نا امید ایچون اسدالله دور امید
هرکیمسه یوخدی یاری اودور یاری عمّه جان
.
.
صاحب ریاض الشهادة (ره) شیخ محمد حسن قزوینی بازار بنی هاشم عورتلری جمع اولموشدیلار آغلاردیلار و نوحه ایدردیلر حضرت بویوردی صبر ایلیون عرض ایلدیلر نجه صبر و آرام دوتاق و بیربیر اوزلرین حضرتون ایاقلارینا سالدیلار او حضرتون رکاب سعادت انتسابندن اؤپوردیلر و آغلیوردولار و هامودان آرتوق جناب فاطمه آغلاردی و آه و زار ایدردی و زبانحالیله دیردی
.
شتربانا مبند امروز محمل
مرا باری چنین میبند در دل
.
حبیبی راحل والقلب هایم
و روح ذاهب والدمع سائل
.
نمی شاید کنون بار سفر بست
که شد راه از سرشگ بیدلان گل
.
نه پای رفتن و نه جای ماندن
مبادا کار کس زینگونه مشگل
.
تن از همراهی او مانده محروم
ولی جان میبرد منزل به منزل
.
جناب سیدالشهدا چوخ آغلادی و اولاری وداع ایلدی بنا قویدی گیتمگه جناب فاطمه گوردی عمّه لری باجیلاری گیدور قارداشلاری گیدور آتا گیدور آنا یوخ اوزی ناخوش نه پرستاری وار دیزلری تیتردی اگلشدی یره بیرآه چکوب عرض ایلدى
.
که بیله رسمدی بیر کاروان ایدنده سفر
همیشه قافله باشی پیاده نی گوزلر
.
منی بو قافله دن قویمیون اوزولسون الیم
کجاوه لرده یروز اولماسا پیاده گلیم
.
زمانه نون ستمیندن عجب ذلیلم من
منی آیرما اوزوندن سنه دخیلم من
.
او بیمارخانم گوردی آتاسی متوجه اولمادی گویا عرض ایلدی بابا آناسیز قیزلاری بوقدر
گوزدن سالولّار آقا سندن صورا منیم دردیمه کیم یتشور و کیم غملریمه شریک اولور
.
که بیلمدوم آناسیزلار جهاندا خوار اولار
دوشر آتا نظریندن غمه دچار اولار
.
او بیمار خانم دوام گتورمیوب یخلدی یره بنی هاشم عورتلری او خاتون بیماری آلدیلار آرایه، جناب ام السلمه مبارک باشین آلوب دیز اوسته یوزون دوتوب جناب امام حسینه دیدی ای رسول خدا یادگاری ای اهلبیتون سرداری
.
که ای بوقافله سرداری گئتمه نازیله
قایت که ئولدی قیزون غسل ویر نماز ایله
.
زنان بنی هاشم با هزار مهربانی او را بهوش آوردند اما روز عاشورا زمانی که زینب کبرا در قتلگاه ابی عبدالله الحسین را به سینه گرفته بود« واذأبالسوط بین کتفیها »نگاه کرد دید یک دست تازیانه و در یک دست خنجر برهنه میگوید تنحى عنه الا تحفک به
.
خلاصه ایلیکه بنی هاشمون عورتلری او بیماری هوشه گتدیلر شروع ایلدی آغلاماقا بنا ایلدیلر او علیلۀ مضطره تسلّی ویرمگه نقدری اونا تسلّی ویردیلر ساکت اولمادی گویا بویوردی نجه ساکت اولوم
بقیع را شه تشنه لب نشیمن کرد
بقیع شاد شد اما مدینه شیون کرد
.
.
#خروج_مدینه_دخیل
#خدا_منیم_کیمی_هیچ_بنده_نی_ذلیل_ایتمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید