خدیجه بانوی والای اسلام #حضرت_خدیجه_رمضانی_خاکی

وفات حضرت خدیجه سلام الله علیها
.
.
روح الله رمضانی
.
.
خدیجه بانوی والای اسلام
معین ویاربی همتای اسلام
.
.
خدیجه بانوی والای اسلام
معین ویاربی همتای اسلام
اولوبدی ضامن ابقای اسلام
گرک تقدیراولونسون همتینن
لوای دین اوجالدی ثروتینن
.
.
زمان جاهلیتده او بانو
گروه حق پرسته اولدی الگو
دیدی مشرکلرین جمعینده یاهو
مروج دین اسلامه جهاندا
اولوب اول سخت وبحرانلی زماندا
.
.
گل مهرو وفا الحق بیتیردی
گوزوندن اوزگنین خطین ایتیردی
رسول اکرمه ایمان گتیردی
مطیع حقیدی اول فخر نسوان
پیمبر بلکه مبعوث اولمامیشدان
.
.
خدیجه بانوی والاو نامی
اولان دین حقه دنیاده حامی
حمایت ایلین خیرالا نامی
مدار عشقیده خورشیدخاور
رسول اکرمه ایستکلی همسر
.
.
خدیجه رتبه ده والاو برتر
خدیجه بانوان دهره سرور
خدیجه همسر ختم پیمبر
خدیجه برج عصمت آفتابی
ویرن عورتلره درس حجابی
.
.
خدیجه دُرِّ دریای فضیلت
فروزان اختر برج جلالت
گل خوشبوی گلزار صداقت
قالان خرم همیشه نوبهاری
جهانه افتخار ایل وتباری
.
.
بجادی یاد اولونسون خدمتینن
طریق حقیده جدیتینن
گجه گوندوز دییلسین همتینن
اونون تک اولمادی قرآنه دلسوز
ایلدی ثروتی اسلامی پیروز
.
.
حیا دریاسینه درو گهردی
اونون تک هانسی عورت بختوردی
شجر عمرینه زهرا ثمردی
اوزهراری کی بیزه نور بصردی
الین فخریله پیغمبر اوپردی
.
.
همان زهرا بوگونده یاسه باتدی
سمایه ناله سین نی تک اوجاتدی
آنا سیز لیق اومحزونی قوجاتدی
سپاه غم اونون اطرافین آلدی
قرا معجر بلالی باشه سالدی
.
.
آنا هجرینده آغلور یانه یانه
توکور رخساره اشکین دانه دانه
بوغم باجادی اود ویرسین جهانه
گدیب الدن آنا باشسیز دی زهرا
دیمه دای خاکی قارداشسیزدی زهرا
.
.
#حضرت_خدیجه
#خدیجه_بانوی_والای_اسلام
#رمضانی_خاکی
#ترکی
.
.