«شورحماسی؛زبانحال علیا مخدره حضرت زینب (س ) اشاره به #مجلس_یزید »
.
✍️ زبدة الاشعار ✍️
.
🆔: @nohe_torki
.
#مصیبی_تبریزی
.
خروشان هَزارِ مُحن زینبم
ولا باده سیندن ایچن زینبم
حسین عشقینه روح وتن زینبم
یولوندا جانیندان گئچن زینبم
یزیدی فنایه چکن زینبم
اونون تختینی تتره دن زینبم
سپهره سالان لرزه؛من زینبم
.
.
من اجلاس عشقین تولّاسیَم
گلستان دینون صفا یاسیم
بو خلقین همان اشجع الناسیم
علی نین درخشنده الماسیَم
حسینون بیلون؛ آیری عبّاسیم
ابوالفضل تک صف شکن زینبم
سپهره سالان لرزه ؛ من زینبم
.
.
منم فارِسِ پهنۀ نینوا
منم دختر یل یل لافتی
منم فاتح قلب خیرالنسا
یزیدین ائدن سرّینی برملا
اونی مسندیندن سالان توپراقا
اونون باشینه کول سَپَن زینبم
سپهره سالان لرزه ؛من زینبم
.
.
بولور خلق ؛ معنای قرآن منم
بولور قطره سیل خروشان منم
یزیده دیون شیر میدان منم
او بیر مور دور چون سلیمان منم
یغیشسین بساطی کی سلطان منم
تانور من کیمم کیمسه دن زینبم
سپهره سالان لرزه ؛ من زینبم
.
.
منم روح انّا فتَحنا بیلون
منم شان فتحاً مُبینا بیلون
منم سرّیاسین وطاها بیلون
منم روح وجسم تولا بیلون
منم نصّ قرآنه معنا بیلون
حدیث ولانی بُولن زینبم
سپهره سالان لرزه؛من زینبم
.
.
منم بعدِ عباس پرچم وُران
منم شورواحساسیدن دم وُران
منم چاره سیز درده مرهم وُران
بساط سلاطینی برهم وُران
یزید آغزینا مشت محکم وُران
تانورسیز منی شیرزن زینبم
سپهره سالان لرزه ؛ من زینبم
.
.
بیلون؛عشق زینب وداد اوسته دی
اونون مسلکی اعتقاد اوسته دی
یزیدین سوزی لیک عناد اوسته دی
کی شخصیتی پول و آد اوسته دی
اونون کاخی ظلم و فساد اوسته دی
بو کاخی بنادن سوکن زینبم
سپهره سالان لرزه ؛ من زینبم
.
.
من عنوان عشقه چاتان زینبم
کمک سیز آدام سیز قالان زینبم
گئدوب کوفه شهرین آلان زینبم
همان کوفیه اود سالان زینبم
همان،محمله باش چالان زینبم
یازاللار غریب وطن زینبم
سپهره سالان لرزه ؛ من زینبم
.
.
منیم خطبه م آفاقی مبهوت ائدر
سوزوم حقدی، حقْ قبض طاغوت ائدر
یزیدین تبارین علی الموت ائدر
سالار تختیدن لال و مسکوت ائدر
یزیده همان تختی تابوت ائدر
نفاقه باشین اگمین زینبم
سپهره سالان لرزه ؛ من زینبم
.
.
علی نین قیزین ائتدیلر دربه در
خدا؛ قلب زینب هاچان دینجلر
اگرچه جفادن اولوب خونجگر
ولی پرچمی تا قیامت اسر
زنااهلی نین اصل ونسلین کسر
یولون مرتضانین گئدن زینبم
سپهره سالان لرزه ؛ من زینبم
.
.
منم کربلانین بلاسین گورن
منم قتلگه ماجراسین گورن
اومقتلده شمرین جفاسین گورن
او یئرده حسینون صفاسین گورن
بوغازیندا خنجر یاراسین گورن
حسینون بوغازین ئوپن زینبم
سپهره سالان لرزه ؛ من زینبم
.
.
بیر عده یازاللار من آواریم
بیرعده دیئللر کی بیچاریم
دیئر بعضیلر؛ چوخ گونی قاریم
بولن یوخ ولی دردلره چاریم
فقط بیر باش عشقینده آواریم
«مُصیّب»سوزون ثبت ائدن زینبم
سپهره سالان لرزه ؛ من زینبم
.
.
#زینبیه_مدح
#مجلس_یزید
#خروشان_هزار_محن_زینبم
#ترکی
.
✍️ #زبدةالاشعار ✍️
.
🆔: @nohe_torki
نظر دهید