شهادت حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
.
سبک :: منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
.
سیّد محسن رجائی ( مجنون )
.
خزان گلدی گولوم سولدی بهاریم گیتدی من قالدیم
کناریمدن داخی زیب کناریم گیتدی من قالدیم
.
.
رخ زهرا سپهر عمرومه تابنده ماه اولدی
محاقه دوشدی ماهیم گوندوزوم شام سیاه اولدی
منیله همسفر یاریم رفیق نیمه راه اولدی
کوچوبدور کاروانیم همقطاریم گیتدی من قالدیم
.
.
تجلّای رخ زهرایه آخِر تنگیدی دنیا
محالی امریدور اولسون قفس جولانگه عنقا
حضیض خاکیدن پر چکدی مرغ شاخه ی طوبی
اونیله شوکت و عزّ و وقاریم گیتدی من قالدیم
.
.
نه تک اوج وفاده سیر ایدن شهبازیدی زهرا
منیم تک شاهبازه شهپر پروازیدی زهرا
حقیقت ملکینی تسخیر ایدن آوازیدی زهرا
اولان باشیمده تاج افتخاریم گیتدی من قالدیم
.
.
هزار آوای گلزار وفا گلشندن آیریلدی
نگینیم خاتمیندن جور اهریمندن آیریلدی
امیدیم عزّتیم روح روانیم مندن آیریلدی
انیس و مونس لیل و نهاریم گیتدی من قالدیم
.
.
وجودیم اخذ نور ایلردی هردم روی ماهیندن
شدائدده اورک آرام اولاردی بیر نگاهیندن
او که آیریلمادی بیردم محبّت شاهراهیندن
ایله بیر آشنای غمگساریم گیتدی من قالدیم
.
.
دل خاک سیه ده گوهر شهواری گیزلتدیم
نهانی دفن ایدوب گنجینه ی اسراری گیزلتدیم
رخ گلده جفای خاریدن آثاری گیزلتدیم
مزاره برگ یاس زخمداریم گیتدی من قالدیم
.
.
او که مهد ولاده پرورش تاپمیشدی نازیله
جهانه فخر ایدوردی هر زمان شاه حجازیله
قوتاردی شمع تک اوز عمرینی سوز و گدازیله
امید خاطر زار و نزاریم گیتدی من قالدیم
.
.
سزادی باشیم اوسته سالسا بال بوم غم سایه
دریغا اود دوتوب یاندی کول اولدی سود و سرمایه
دوشوب انگشتریمدن لاجرم دُرّ گرانمایه
الیم چخدی بوشا دار و نداریم گیتدی من قالدیم
.
.
گتورموشدی گلوم بلبل کیمی بو قلبیمی شوره
او گوندن که جفا زخمی اوتوردی سینه ی جوره
مبدّل اولدی گوزده روز روشن لیل دیجوره
چراغیم سوندی شمع شام تاریم گیتدی من قالدیم
.
.
مریض عشق اولان گرچه تمنّای شِفا ایتمز
بلی درد اهلی هر بی درده دردین مبتلا ایتمز
دم عیساده اولسا درد هجرانه دوا ایتمز
طبیب رنج و درد بی شماریم گیتدی من قالدیم
.
.
دوتوب دردیله الفت اولموشام مایوس درماندان
گیدوب جان جهانیم بو جهاندا دویموشام جاندان
تمتّع اخذ ایده حاشا گوزوم سیر گلستاندان
داخی گل نیلورم بیر گلعذاریم گیتدی من قالدیم
.
.
جهاندا وصل اگر نور اولسا فرقت شام ظلمتدور
اودور که مرگدنده تلخ تر ایّام فرقتدور
بلی هر عاشقه یاریندن آیریلماق قیامتدور
قیامت قوپدی هجران گلدی یاریم گیتدی من قالدیم
.
.
دوشوب بو ماجرادن یادیمه زهرا قیزی زینب
سزادی یاندورا خشک و تری بو آتشین مطلب
باجی قارداشینی سالدی یولا عرض ایلدی یارب
قیریلدی تارِ قلبیم اختیاریم گیتدی من قالدیم
.
.
هوای وصل یاریله حسینیم بی قرار اولدی
رکابیندن اوزوم دوتدوم منه بیر افتخار اولدی
شریک محنتیم میدان رزمه رهسپار اولدی
قتاله عزم ایدوبدور شهسواریم گیتدی من قالدیم
.
.
تخیّل عالمینده فکر ایدنده درد هجرانی
درون سینه ده احساس ایدردیم زخم پیکانی
وجودیمده بو گون لمس ایلدیم بو نار سوزانی
حسینیله داخی خوش روزگاریم گیتدی من قالدیم
.
.
او که بیر نفخه ی پاکی ایدوب زنده مسیحانی
شرار سینه سیندن یاندیروبدور قلب سینانی
آلاردیم عطر مویندن شمیم زلف زهرانی
آنام زهرایه تنها یادگاریم گیتدی من قالدیم
.
.
حسینین عشقی چون هر قلبیده بیر کنزدور مکنون
بو کنزون حاجبی نیلور جهاندا ثروت قارون
بیله کنزی الیمدن آلدی ناگه گردش گردون
خزینمدن بو دُرّ شاهواریم گیتدی من قالدیم
.
.
مُریدم من، شبیری دور مرادیم شعریده مطلق
مرادیله مریدین شعری عالمده تاپار رونق
یازوبدور بیر تخلّص، شعریمه رونق ویروب الحق
بو لطفیله اورکدن انکساریم گیتدی من قالدیم
.
.
گلر بیر گون یتر عمرون باشا #مجنون بو دنیاده
ویرر یاخشی نتیجه یازدیقون اشعار عقباده
سالار بو یازدیقون سوزلر سنی بو نحویله یاده
که مجنون تک ادیب نامداریم گیتدی من قالدیم
.
.
#سبک_علی_اصغر_مه_انور
(بیش از 7 سبک سینه و زنجیر)
.
.
#فاطمیه_شهادت
#خزان_گلدی_گولوم_سولدی_بهاریم_گیتدی_من_قالدیم
#رجایی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید