.
✍️ #زبدةالاشعار✍️
.
🆔: @nohe_torki
.
سیفی اردبیلی
.
خلقتون اسرار حکمتدور خانم یافاطمه
قامتون شرح قیامتدور خانم یافاطمه
.
جوهر عشقه تَجلّانی سنون نورون ویروب
خادمون، حوران جنّتدور خانم یا فاطمه
.
حسنووه ذیحقدی حیرتده بَنی آدم قالا
شرح وصفون بی نهایتدور خانم یافاطمه
.
آستان اَقدسونده، داستان سوز و ساز
نوحون عُمریجه حکایتدور خانم یافاطمه
.
عشقیوه دل باغلیوب آلامیوه قان آغلاماق
هر گونی بیر ایل عبادتدور خانم یافاطمه
.
مسجد و محرابه ایثارون قداست بذل ایدوب
نوکرون اولماق سعادتدور خانم یا فاطمه
.
هاجر و مریمده سندن ذکر و تسبیح ئورگنوب
سوزلرون تفسیر حکمتدور خانم یافاطمه
.
ایتمگه دیواربیت العشقوی هر گون طواف
انبیانون روحی حسرتدور خانم یا فاطمه
.
مست اولوب هر بزمیده صدقیله یازهرا دیمک
عین تحصیل شرافتدور خانم یا فاطمه
.
دست نازوندن رئیس انبیانون ئوپمگی
الله امریندن اطاعتدور خانم یافاطمه
.
غیرتیکه اولدی سندن پشت درده آشکار
شاهکار معنویتدور خانم یا فاطمه
.
یاندی درگاهون باشوندان که عبا دوشدی یره
مین کتاب درد و محنتدور خانم یافاطمه
.
گوشواره ایکه قولاقونده سنوبدور کوچه ده
مدرک حُبّ ولایتدور خانم یا فاطمه
.
«سیفی» ام مدحونده هر شعریکه انشاد ایلرم
کعبه دن افضل زیارتدور خانم یافاطمه
.
.
#فاطمیه_سیفی_اردبیلی
#فاطمیه_مدح
#خلقتون_اسرار_حکمتدور_خانم_یا_فاطمه
#ترکی
.
✍️ #زبدةالاشعار✍️
.
🆔: @nohe_torki
نظر دهید