زبدةالاشعار

خم ایتدی قامت دنیانی غم هلالی حسینون #ورود_محرم_شانی_تبریزی

ماه محرم
.

✍️ #زبدةالاشعار ✍️
.
🆔: @nohe_torki
.
مرحوم شانی تبریزی
.
خم ایتدی قامت دنیانی غم هلالی حسینون
که دولدوروب هامی عالملری ملالی حسینون

چکوبله گویلره قاره اولوبدی مجلس ماتم
بو آیدا عرش خداوند ذوالجلالی حسینون

خدایه ممکن اولا آغلاماخ یقین ایله بی شک
باتار ملاله بو ماتمده لایزالی حسینون

توکر سرشکنی صاحب زمان گجه گونوز آغلار
نچون بوآی پوزولوب رونق جلالی حسینون

قوناق آدیله گتوردیله کربلایه او شاهی
نه بیحیادی گورون دشمن ضلالی حسینون

سو یوللارینی ازل باغلادیلا ویرمدیلر سو
سوسوزدان اودلانوب اطفال خردسالی حسینون

کفن سالوب اوزی ال چکدی اکبریندن او سرور
گوزی باخاباخا ئولدی او مه جمالی حسینون

متن پیشنهادی:  علیدی عنصر توحید، علیدی مظهر ذات #پیامبراسلام_فاطمیه_سعدی_زمان

دوتولدی قاسمه بیر طوی آدی ولیک او طویدا
هامی حرملری اولدی باشی قرالی حسینون

الینه زلفنه قانین خضاب ایلدی داماد
اجل کمندینه صید اولدی اول غزالی حسینون

سو اوسته قولارینی وئردی شوق اوزیله اباالفضل
که بلکه رفع اولا بو باره ده ملالی حسینون

نقدر جهد ایلدی بلکه مشکه دگمیه پیکان
خجالت اولمیا اوُل مرتضی مثالی حسینون

ورولدی مشکنه اوخ آخدی سو چو اشگ سکینه
دویوب حیات جهاندان او خوش خصالی حسینون

سو ممکن اولمادی بو نقصدن اوزین ئولومیله
خلاص ایتدی او سقای باکمالی حسینون

متن پیشنهادی:  ای عالمینه افتخار #مهدیه_زلفی_تبریزی

یتوردی خیمه ده قارداشا پیک آهیله پیغام
که صون نفسده نصیبی اولا وصالی حسینون

الى بلینده یتیشدی باشی اوسته سرور مظلوم
گورنده نعشنی قولسوز پوزولدی حالی حسینون

ال اوسته اصغرینی اوخلادیلا فرقۀ باطل
مگر گناه ایلمیشدی او نطقی لالی حسینون

ئولوب کمک لری قالدی امام او عرصه ده یالقوز
همان او دمده یتوب نوبت قتالی حسینون

چوخ آختاروب ئولوم آختاردیقین تاپوب آخر
دوتولدی گون یتشوب گون کیمی زوالی حسینون

سو ایچمدی سو کنارنده ویردی جان سوسوز ئولدی
اولوبدی قانلی او گون زمزم زلالی حسینون

متن پیشنهادی:  گر منی قیزیم گوگلون ایسته سه ای بلالرین کانی زینبیم #فاطمیه_سعدی_زمان

توکولدی خیمه لره اهل کوفه آتلی پیاده
تالاندى ظلمیله اول خیمۀ جلالی حسینون

سویولدی آل پیغمبر بیوک کیچیک هامی یکسر
گیدوبدی غارته جمله منال و مالی حسینون

وورولدی خیمیه او دیاندی خیمگاهی او شاهون
داغیلدی چوللره آهو کیمی عیالی حسینون

دچار اولوب حرم آهولری کمند جفایه
اولوبدی عازم شام اهلبیت و آلی حسینون

کفافدور بو بیان شأنیا دایان داخی یازما
بونی اینان که بودور مقصد و خیالی حسینون

شفاعت ایلیه محشرگونونده امّته یکسر
یاز آغلاعرض ایله وارای شه عرض حالی حسینون
.
.
#ورود_محرم #شانی_تبریزی
#خم_ایتدی_قامت_دنیانی_غم_هلالی_حسینون
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی