زبدةالاشعار

خوشا او کس کی اولوب اربعین زواری #اربعین_محمدرضاصادقی

در بدرقۀ زائر اربعین
.
✍️ زبدة الاشعار ✍️
.
?: @nohe_torki
.
محمد رضا صادقی (شیدا)
.
خوشا او کس کی اولوب اربعین زواری
پیاده قصد ایلیوبدور او مرقده ساری
.
اورکده شوق زیارت باشیندا شور حسین
دیار کرب و بلاده ائدر عزاداری
.
عرایضیم بودی اوًلده کاظمینه گئدوب
ایکی امامه سلامین ازل ائده جاری
.
دیلینده یا علی گئتسون نجفده مولاسین
زیارت ایلسون اولسون ولایت انصاری
.
یولون سالاندا ولی کربلا دیارینده
ادبله سینده ال سسلسون علمداری
.
دئسون او قولارا قربان اجازه وئر گلورم
کریمیلر قاپودان قووماز هیچ گنهکاری
.
ولی بو شرطیله یاد ایلسون مریضلری
چخادماسون نظروندن بو جمع غمخواری
.
دئسون آقا سنی ام البنین عنایت ایله
قوتار او کس کی اولوب درد و غم گرفتاری
.
ایلیکه آلدی اجازه وورا وورا باشنا
گئده او قبره کی واردور حبیب تک یاری
.
قوجا حبیبه محبتله ایلسون تعظیم
بیوک لرین دلیجه لطفون ائتسون اظهاری
.
حسین مزارینه آغلار گوزیله باش چکسون
دئسون او شاهه اورکدن بو نوعی گفتاری
.
آتام آنام سنه قربان یارالارون نجه دی
وجودین ای داغیدان شام و کوفه کفاری
.
جوانلارین دلیجه اکبره سلام ائلسون
علی اصغره لای لای دئسون او دم آری
.
میسر اولسا اگر بیرده یادینه سالسون
دعالرینده او یرده بو کلب درباری
.
دئسون نصیب ایله بو اربعینده گلسون
عنایت ایله بو « شیدا»یه بیرده دیداری
.
نچونکه عمرلره یوخدی اعتبار آقاجان
گلونجه قبریوه ای کاش ئولمیه باری
.
اگرچه دعوت ائدوبسن او تربته دویمور
گینه عذاره توکور اشکین هر گئجه یاری
.

متن پیشنهادی:  ای قلم ایسته مدد فاطمه ی زهرادن #فاطمیه_محمد_محمودی

#زائر_کربلا
#کربلا
#اربعین
#خوشا_او_کس_کی_اولوب_اربعین_زواری
#محمدرضاصادقی
#ترکی
.
✍️ #زبدةالاشعار ✍️
.
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی