خوشا بو رتبه و قدر و مقامه ای حجّاج

بدرقۀ زائران کعبه
.
✍️ زبدة الاشعار ✍️

?: @nohe_torki
.
مرحوم ناصر اردبیلی
.
خوشا بو رتبه و قدر و مقامه ای حجّاج
که وار باشوزدا سیزون لطف کبریادن تاج
.
خدای کعبه وئروبدور سیزه اوقدر عزّت
که لطفیله سیزی اوز بیتینه ائدوب دعوت
.
آتان زمانیده اول آستار کعبیه ال
بیزیمده عرضیمیزه ایلیون او وقته عمل
.
وئرون خدانی قسم کعبه نین جلالتینه
بیزیده ایسته سون اوز بیتینون زیارتینه
.
بیزه که اولموری قسمت گئدک او بیت خدا
خلوصیله ائدیروک سیزدن التماس دعا
.
طواف بیت خداده بیزیده یاده سالون
مقام سعی و صفاده بیزیده یاده سالون
.
ائدن زمانیده سیز امتثال امر جلیل
خلیل تک او مناده بیزیده یاده سالون
.
گورنده حضرت ختم رسالتین قبرین
همین او عالی بناده بیزیده یاده سالون
.
بهشت روح فزادور او روضه پر نور
بهشت روح فزاده بیزیده یاده سالون
.
ائدنده فاطمه قبرین زیارت اوچ یرده
کناره قبر خفاده بیزیده یاده سالون
.
امام اربعه نون قبرینی گورن وقته
گلنده ناله و داده بیزیده یاده سالون
.
اوپنده شامیده قبر جناب زینبدن
او کاخ جلوه نماده بیزیده یاده سالون
.
گورنده خیردا مزارین رقیّه خاتونون
اولاندا آه و نواده بیزیده یاده سالون
.
اولاندا شاه نجف بارگاهینه داخل
حضور شیر خداده بیزیده یاده سالون
.
چخاتمیون بیزی هئچ بیر مقامده یاددان
خصوص قبر زهراده بیزیده یاده سالون
.
#زائر_کعبه
#خوشا_بو_رتبه_و_قدر_و_مقامه_ای_حجاج
#طواف_بیت_خداده_بیزیده_یاده_سالون
#ناصر_اردبیلی
#ترکی
.
✍️ #زبدةالاشعار ✍️
?: @nohe_torki