در عزای حضرت موسی بن جعفر(ع)
.
✍️ #زبدةالاشعار ✍️
.
🆔: @nohe_torki
.
مرحوم #صبا_تبریزی
.
خوش گلمیسوز عزاسینه موسی ابن جعفرین
قان آغلیون بلاسینه موسی ابن جعفرین
.
ماتم نشین جدّیدی صاحب عزا علی
ویر تسلیت آتاسینه موسی ابن جعفرین
.
معناده فاطمه باش آچوب وای اوغول دیر
آغلار یانار بلاسینه موسی ابن جعفرین
.
سنده نوایه گل یوزه توک اشک چشمیوی
سس ویر بو گون آتاسینه موسی ابن جعفرین
.
آغلا غریبه آغلاماق اللّهه خوش گلور
اولسون قسم خداسینه موسی ابن جعفرین
.
صدقیله اوخشا، فاطمیه نسگل اولماسون
ائت ناله ماجراسینه موسی ابن جعفرین
.
مسموم ایدوبدی ظلمیله هارون او بی کسی
رحم ائتموب بالاسینه موسی ابن جعفرین
.
یاندیردی قلب فاطمه نی هم پیمبری
باخ جدّینین نواسینه موسی ابن جعفرین
.
آهِ بتول شمعیدی سیماده گوز یاشی
یان شمع بزم یاسینه موسی ابن جعفرین
.
گوز یاشلی ایله مجلس هارونه بیر نظر
باخ حال غم فزاسینه موسی ابن جعفرین
.
گل صورتی اولوب ستم سِنده آشنا
آغلا غم آشناسینه موسی ابن جعفرین
.
زر تک اریدوب بوطۀ غم زرد رنگ ائدوب
باخ رنگ کهرباسینه موسی ابن جعفرین
.
زنجیرکین علاوه سالوب گور نه حالته
باخ آغلا ابتلاسینه موسی ابن جعفرین
.
باخما ولیک یوم گوزیوی دوشمسون گوزین
ساقینینین یاراسینه موسی ابن جعفرین
.
باد ستم اسوبدی ستمله خزان ویروب
گلزارباصفاسینه موسی ابن جعفرین
.
حسرت قالوب عیالینه زنداندا جان ویروب
سیر ایله ابتلاسینه موسی ابن جعفرین
.
نعشی قالوبدی یرده، ویرن یوخدی بیر خبر
یثربده اقرباسینه موسی ابن جعفرین
.
اوغلی رضا گلوب ایده مدفون آتاسینی
مشغول اولا عزاسینه موسی ابن جعفرین
.
شیعه دورون تدارک ائداق باری بیز گیداق
محبسده غم سراسینه موسی ابن جعفرین
.
تابوتیله کفن آپاراق احترامیله
اول قامت رساسینه موسی ابن جعفرین
.
یردن جنازه سین گوتوراق حقّه تاپشوراق
عزّتله حق رضاسینه موسی ابن جعفرین
.
.
#کاظمیه_شهادت
#خوش_گلمیسوز_عزاسینه_موسی_ابن_جعفرین
#ترکی
.
✍️ #زبدةالاشعار ✍️
.
🆔: @nohe_torki
نظر دهید