زبدةالاشعار

خولی نه حسینون باشینی خوار آپاروردی #تنورخولی_حسین_ساکت

سرِ سردار
.
✍️ #زبدةالاشعار ✍️
.
🆔: @nohe_torki
.
حسین ساکت
.
خولی نه حسینون باشینی خوار آپاروردی
بلکه آناسی فاطمه نی زار آپاروردی
.
سالموشدی اوغول آردیجا صحرایه آناسین
غملی آنانینی اوغلونا غمخوار آپاروردی
.
فریاد که قندیل شبستان رسولی
سر دستۀ بیر دسته سیه کار آپاروردی
.
بولمم نه بیانیله دیوم جان جهانی
ترکینده نجه جانیِ جرّار آپاروردی
.
مهمیز ووروردی آتینا تند و شتابان
مشرق گوزلین مغربه خونبار آپاروردی
.
شاید سیله خاکستریله زنگ جمالین
آیینۀ حقّی ائله طرار آپاروردی
.
یوخ یوخ ایکی دنیانی ووروب بیربیره ظالم
الله قوشونوندان سرِ سردار آپاروردی
.
یارب واریمیش بیر یارالی باشدا نه عزّت
گاهی اونی بیگانه گھی یار آپاروردی
.
خولی اگر ایستوردی او باشدان چاتا جاهه
راهب أونی ئوز دیرینه دلدار آپاروردی
.
گل شاخه سی تک شمر اونی تندن آییراندا
زهرا آلوب آغوشه پری وار آپاروودی
.
زهرا بلی آلموشدی گولون خارین الیندن
جنّاته ساری سویگلی سین زار آپاروردی
.
طاها دئدی زهرایه که وئر رأس حسینی
بیر ظالم آپارسین که ائدوب بار آپاروردی
.
بیز وئردیقمیز تحفه لری آلماروق اصلا
حق قربانی اولماق بئله رفتار آپاروردی
.
ساکت سنی یورمرشدی نه مدّت بو حکایت
الحق که بو سوز زحمت بسیار آپاروری
.
.
#تنورخولی_حسین_ساکت
#حسینیه_شهادت
#خولی_نه_حسینون_باشینی_خوار_آپاروردی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دوستان شرح پریشانی من گوش کنید #پندیات #وحشی_بافقی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی