زبدةالاشعار

خیال وصل یار و درد هجران ایتمیم نیلیم #مهدیه

یا مهدی
.
✍️ زبدة الاشعار ✍️
.
🆔: @nohe_torki
.
#فانی_تبریزی
#تضمین غزلی از مرحوم #صراف_تبریزی
.
خیال وصل یار و درد هجران ایتمیم نیلیم
مریض درد عشقم فکر درمان ایتمیم نیلیم
گیدبدور دلبریم، هجرنده افغان ایتمیم نیلیم
«گوزوم یاشین گویول قانیله مرجان ایتمیم نیلیم
بو آغ دُرّی شبیه لعل جانان ایتمیم نیلیم»
.
.
سالار نور جمالی مه کیمی رخسارینه هاله
دوداقلار غنچه تک بسته یاناقلار قرمزی لاله
گورندن دلبرین گل صورتنده اشگدن ژاله
«قوروموش نی کیمی هر بند بندیمدن چخار ناله
اسیر بند عشقم آه و افغان ایتمیم نیلیم»
.
.
غم هجرانیدن سینه م اولوبدور غملر اویناغی
ایدوب ویران خزان قهری دییرسن صحنۀ باغی
رقیبون حیله سی ایلوبدی دلداری منه یاغی
«چوکوبدور سینمه دود سیه تک آیریلوق داغی
بناسین تیشۀ آهیله ویران ایتمیم نیلیم»
.
.
خیال وصلیوه یئر ویرمیشم من سینده جان تک
گرامی دور غمون خلوتگه قلبیمده مهمان تک
بلالر چکمیشم عشقونده من امّا نه هجران تک
«گوزوم یاشی آخار هجرینده مروارید غلطان تک
اونی خون جگرله قانه غلطان ایتمیم نیلیم»
.
.
بلا و غم یاغیر یارب بو شهرین کوی و بامیندن
آچیلمیر دل ندیم چاره بو غملی صبح و شامیندن
اورک غمگین اولور بالّه بو خلقین ننگ و نامیندن
«توتولموش خاطریم گور اهل شهرین ازدهامیندن
بویور مجنون کیمی عزم بیابان ایتمیم نیلیم»
.
.
رفیق خلوتیم ناله، طبیب و مرحمیم ناله
قیشیم ناله، یاییم ناله ، بهار خرّمیم ناله
نه چاره دردیمه ای دل ، تمام عالمیم ناله
«انیسیم درد و محنت، مونسیم غم، همدمیم ناله
بو جمعیّتله دنیانی پریشان ایتمیم نیلیم»
.
.
یوزون ای نازنین دلبر چراغ بزم عرفاندی
گوزون سر مست و هشیاری یقیناً اهل ایماندی
سوروش سان درد عشقه چاره هرکسدن نه فرماندی
«دیوللر شربت لعل لبون هر درده درماندی
بولورسن اهل دردم میل درمان ایتمیم نیلیم»
.
.
یقین پیر محبّتدور سنون معشوق و جانانین
اونا قربان اولا جانا منیم روحوم سنون جانین
گوتور وئر باده نی ساقی کی عطشاندور بو حیرآنین
«ایدوبدور باغریمی قان لبلرین قوی بیر ایچیم قانین
بو باشسیز مملکتده قانیمه قان ایتمیم نیلیم»
.
.
سن ارباب کرامت سن منم درمانده و مسکین
ترحّم ایله لطفیله رضا اولما اولام غمگین
غریق بحر عشقم حافظ قرآن و حقّ آیین
«منی بیجا یئره ایلر مذمّت زاهد بی دین
گورنده کفر زلفون ترک ایمان ایتمیم نیلیم»
.
.
سن ای ملک محبتّده منیم سرگشته سلطانیم
داغیتدون تار گیسونی داغیلدی دین و ایمانیم
صف مژگان و ابروده منیم وار درده درمانیم
«یقینمدور اورکدن چخسا پیکانون چخار جانیم
گوزل جان تک اونی سینمده پنهان ایتمیم نیلیم»
.
.
گوزون بیماریم ساقی نه سرمست مِی و ساغر
سنون اول چشم مخمورون منه سرچشمۀ کوثر
اسیر خط و خالم مونس معشوق جان پرور
«منی یالقیز گورنده ترک مستون قصد جان ایلر
خط و خالون خیالین مونس جان ایتمیم نیلیم»
.
.
گورندن زلف جانانی کمند عشقه پابستم
او گردون تک بلند آوازه دور من خاک تک پستم
اگرچه ساغر می دن ازلدن #فانیا مستم
«بو بازار محبّت ایچره #صراف تهیدستم
یتیم درّ اشگی زیب دکان ایتمیم نیلیم»
.
.
#مهدیه
#خیال_وصل_یار_و_درد_هجران_ایتمیم_نیلیم
#گوزوم_یاشین_گویول_قانیله_مرجان_ایتمیم_نیلیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  درک ایدنمز عقول و وهم و قیاس آفتاب کمال زهرانی #فاطمیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی