آب آوردن بریر
.
.
✍️ #زبدةالاشعار ✍️
.
🆔: @nohe_torki
.
محدث طباطبایی خیابانی (عاصم)
.
خیام طاهره دن العطش سسی اوجالوب
حسین صحابه لریندن توان و طاقت آلوب
.
بو بیر خبردی مفصّل بریر نقل ایلر
دیر که خیمه دن اولدوم کنار دلده گذر
.
غریبه منظره واردور او چولده گوردوم من
چالور اویاندا نی و نای لشکر دشمن
.
بویان طرفده اوخولّار صحابه لر قرآن
دعا، نماز، مناجات صوتی دور هر یان
.
گوگه عروج ایلیور ناله ایله استغفار
بیریسی سویلوری سبّوح بیریسی یا غفار
.
فرات آخور چوله سیراب اولور وحوش و طیور
بویاندا زمزمۀ العطش ایدوبدی وفور
.
سوسوزلار الده سو جامی توکولّه اشک بصر
بو خیمه دن او بیری خیمیه ایدولّه گذر
.
دیولّه بیربیرینه العطش امان یاندوخ
کیمه دیاخ که سوسوزدان یانوب کباب اولدوخ
.
بالالارین منى بو دیللری کباب ایلدی
بنای صبریمی غم لشکری خراب ایلدی
.
صحابه خیمه سینی بیر به بیر گیدوب گزدوم
تاپانمادیم سو امیدیندن آخر آل اوزدوم
.
سو فکریله گوتوروب مشکی خیمه دن چیخدیم
فراتی قصد ایلیوب صبر حصارینی یخدیم
.
نچه نفر منیله مشکی ایلدوخ پر آب
بو قصدیله که ایداخ تشنه لبلری سیراب
.
موّکلان فرات اولدولار او دم آگاه
بنای جنگ قویوبلا او لشکر گمراه
.
توکوبله اوخلاری مانند قطرۀ باران
کناره گوزدن او مشکی قویانمادوق بیر آن
.
نه زحمتیله گتوردوخ او گیجه خیمیه آب
پیمبر عترتینی بلکه ایلیاخ سیراب
.
اوجا سسیله دیدوخ السّبیل یا عطشان
سوسوز بالالار ایشیتجک اولوبدور شادان
.
او مشکین آلدیلار اطرافینی یانان دیللر
خیاله سال قالا عطشان سوسوز بالا نیلر
.
قاریشدی بیربیره باطن گوز ایستوری که گوره
آچیلدی بندی او مشکین سویی توکولدی پره
.
سودان امید کسیلدی توکوبله گوز یاشینی
قویاردیلار چوخی نم توپراقا اورک باشینی
.
نه چکدیلر او گئجه بیر اونی بیلور الله
توکوبله گوز یاشی ذرّیۀ رسول الله
.
خصوص اصغر آناسی نجه که صبح ائتدی
دئدی او قدر على لای لای توانیدن گئتدى
.
الهی اول سوسوز اطفال بیگناه حسین
به حق سوز دل زار و آه زار حسین
.
بو عاصمه ایله لطفاً بهشتیوی قسمت
تصدّق ایله حسینون باشینا قوی منت
.
#اصحاب_الحسین #بریر #شب_عاشورا
#خیام_طاهره_دن_العطش_سسی_اوجالوب
#فرات #محدث_طباطبایی
#ترکی
.
✍️ #زبدةالاشعار ✍️
.
🆔: @nohe_torki
نظر دهید