پندیات
✍️ زبدة الاشعار ✍️
🆔: @nohe_torki
احسان بدرخانی
خیانت اولسا هر یرده عدالت غیر ممکندی
یالان دولدورسا دنیانی صداقت غیر ممکندی
رقابت یاخشی نعمتدی،چکر اوجه هنرمندی
حسادت اولسا واضحدور رقابت غیر ممکندی
نجیب انسانلارا کینه، شقاوت یول تاپا بیلمز
اولا اهل شقاوتده، نجابت غیر ممکندی
بیرعلت واردی حتماً کی دعالر مستجاب اولمور
دعاده اولماسا اخلاص، اجابت غیر ممکندی
هایاندا جهل اولا حاکم، جنایت امر واضحدی
او یرده صلح و امنیت، اصالت غیر ممکندی
هایاندا حکم ایده خلقه گر اسلام معاویه
او یرده صورت دین وار، دیانت غیر ممکندی
او قلبی کی علینون عشقی وار،کان محبتدی
علی حاکم اولان یرده حسادت غیرممکندی
حسینون نهضتی قانلان، شهادتلن تاپوب قیمت
بونهضتده شهادت وار، اسارت غیرممکندی
حسینه چوخلاری ایستر یازا بیر بیت شعر اما
عنایت اولماسا حقدن کتابت غیرممکندی
حسینون نهضتی #احسان،چراغ راه عزتدی
حسینسیز چاتماسان حقه،هدایت غیرممکندی
#پندیات
#خیانت_اولسا_هر_یرده_عدالت_غیر_ممکندی
#احسان_بدرخانی
#ترکی
✍️ #زبدةالاشعار ✍️
🆔: @nohe_torki
نظر دهید