شجاعت حضرت اباالفضل (ع)
.
✍️ زبدة الاشعار ✍️
?: @nohe_torki
.
نوید آسال اردبیلی
.
خیمه سیندن جنگه گلسون بیر ملک سیماچیخوب
چهره سی ماه درخشان قامتی رعنا چیخوب
.
.
قادر الله قامتی قد قامتون معناسیدور
بند قلب مرتضادور غیرتین دریاسیدور
فارس شجعاندی ، اما نوکر مولاسیدور
قلب مولانی سویوندورسون اودور تنها چیخوب
.
.
دست نقاش ازل رخسارینی زیبا چکوب
قامتین سرو دل آرا گوزلرین شهلا چکوب
زلف شبرنگین شب یلدالره معنا چکوب
شهپر آچمیش قاف عشقی آلماقا عنقاچیخوب
.
.
گنج عشق و معرفتده ناب اولان الماسیدور
سربه سر شور و وفادور معدن احساسیدور
مرتضانون با لیاقت اوغلودی عباسیدور
هرز علف تک بیچمگه اعدانی بی پروا چیخوب
.
.
آسمان عشق و تقواده درخشان ماهیدور
بنده ی زیبنده ی خلاق گردون جاهیدور
مکتب قرب و تولادن چیخوب آگاهیدور
وصل یاره چاتماقا دلده بیوک سودا چیخوب
.
.
قلب میدانه ویروب پرچم رجز انشاد ایدور
تلین اوسته بی کمک مولاسینی دلشاد ایدور
گه دیور یا فاطمه گه مرتضادن یاد ایدور
نهری آلسون دلده یا مولا و یازهرا چیخوب
.
.
مارد اولدی باخبر عباس نام آور گلوب
ساقی لب تشنگان فرمانده لشکر گلوب
دین اسلامون علمداری مه انور گلوب
خیمه سیندن مارد بدکیش و رزم آرا چیخوب
.
.
کیمدی مارد یل یل شیر افکن میدان جنگ
پهلوان رزم دیده جنگجو همچون پلنگ
قدرت بازوسی مافوق تصور تیز چنگ
جنگ لرده چوخ مهارت گورسدوب دارا چیخوب
.
.
یوخ حریفی نیزه آتماقدا اونون دعوا گونی
چوخ مسلتدور حریف رزمینه هیجا گونی
تار ایدردی دیده ی دشمنده رزم آرا، گونی
ایندی سقائیله جنگه بو تهمتن سا چیخوب
.
.
الغرض سقائیلن مارد اولوبدور روبرو
سویلدی عباسه ای فرزند شاه نیکخو
چوخ جوان سان ترک ایله میدانی سن ای ماهرو
ناگراندور قارداشون تل اوستونه تنها چیخوب
.
.
قیلدی فرمایش علمدار وفادار حسین
چوخ دانیشما دشمن پست و ستمکار حسین
بوشلاماز مولاسینی بحران گونی یار حسین
باشلا جنگی تا گورونسون کیم یل دعوا چیخوب
.
.
اولموشیدی وعده لردن مارد بدکیش مست
ناگهان عباسه آتدی نیزه سین اول شوم پست
توتدی گویده نیزه نی سالار رزم و چیره دست
حلق عباس علیدن بانگ روح افزا چیخوب
.
.
دور مارد ده عقابین اوینادوبدور شیر عشق
حلق مارددن ویروب ئوز نیزه سین چون میر عشق
باخدی تل اوسته حسینه چکدی بیر تکبیر عشق
گوردیلر روباهین اوسته شیر کرمنا چیخوب
.
.
ماردین باشین تن منحوسیدن ایتدی جدا
تپراق اوسته باشینی آتدی ایدوب حقه ثنا
آلماقا شط فراتی اول وزیر با وفا
عرش زین اوسته گوروندی آیت کبرا چیخوب
.
.
عرصه گاهی تنگ ایدوبدور دشمنان دینینه
باب نیرانی آچوبدور خصم بد آئینینه
پرچم اسلام الینده مشکی سالمیش چیگنینه
لشکر کفارین اوسته شیر بی همتا چیخوب
.
.
هر کسیلن روبرو اولدی او سقای حرم
ایچدیروب بیر ضربه ایلن دشمنه زهر عدم
باشلاری توکدی ترابه قوللاری ایتدی قلم
گوئیا فرعونیان اوسته ید بیضا چیخوب
.
.
تیغ برق افشان بلینده دلده تسبیح وثنا
نهرین اوسته عازم اولدی ساقی دشت بلا
سویلدی کروبیان عباسه احسن مرحبا
مشک الینده تشنه لب نهر اوستونه دریا چیخوب
.
.
دولدوروب اوجون سوئیلان اول وزیر شاه دین
گوردی مولاسین سو ایچره دلغمین و بی معین
نفسینی ایتدی ملامت زاده ی ام البنین
دولدوروب مشکین سودان ساقی عاشورا چیخوب
.
.
مشکی چیگنینده گیدور اخیامه نخلستانیدن
یوخدی قلبینده هراسی نیزه دن پیکانیدن
سسلنور یا رب منی ایتمه خجل طفلانیدن
جام لر الده خیمدن عترت طاها چیخوب
.
.
آه او ساعتدن کی میدان تنگ اولوب سرلشکره
یوخ سوزوم اولدی نلر میداندا اول نام آوره
قامتیندن اوخشادی شهباز بی بال و پره
قول قناد سیز قاف عشقه گوردیلر عنقا چیخوب
.
.
داغلیار قلب جهانی بو بلالی منظره
آغلیار عالم گوزی بو محنت دردآوره
بیلمورم مشکه باخوردی یا خیام اطهره
ساق گوزوندن دگدی بیر اوخ عرشه واویلا چیخوب
.
.
بیر عمود آهن بو ماهه گوندوزی تار ایلدی
مرتضا بوسه ویران رخساری خونبار ایلدی
بیلمورم آیا کیمی اول لحظه دیدار ایلدی
داغلی قلبیندن او شیرون آه محنت زا چیخوب
.
.
یور دوتوب اخیامه ساری سسلنوب ای نور عین
باشیم اوسته انبیا مولا ایدوللر شور و شین
گل طبیبانه عیادت ایله مندن یاحسین
گورمگه رخسارووی قلبیمدن آه و وا چیخوب
.
.
گل حسین احوالیمه وحشی صفت عدوان یانور
آیه آیه دوغرانان اندامیمه قرآن یانور
ساق گوزومنن سانجیلان اوچ شعبه لی پیکان یانور
کاسه دن عشقین یولوندا دیده ی شهلا چیخوب
.
.
گل حسین دیداریمه دردانه ی طاها گلوب
نهرین اوسته قطره نی درک ایتمگه دریا گلوب
نوکرین یاد ایلیوب الده ئولن زهرا گلوب
عرشه عطشان لبلریمنن ذکر یازهرا چیخوب
.
.
ای نوید حشره کیمین عشقونده سن پاینده قال
عالمون سلطانی گر اولسون حسینه بنده قال
یاز حسینون مدحینی محشر گونی ایمنده قال
کیم یازوب مدح حسین محشرده بی پروا چیخوب
.
#عباسیه_شجاعت
#خیمه_سیندن_جنگه_گلسون_بیر_ملک_سیما_چیخوب
#آسال_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید