یا مهدی
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
داده یت بیز قالمیشوخ آواره یا صاحب زمان
لطفیله بو درده قیل بیر چاره یا صاحب زمان
.
.
دوستان آل طاها جمله محزون و حزین
شاد و خرم هر طرفدن جملۀ أعدای دین
یر یوزینده سندن اوزگه بولمروخ حبل المتین
نقطه سن هر نقطۀ پرگاره یا صاحب زمان
.
.
کثرت زاغ و زغن بلبل لری لال ایلیوب
خار جوری گل لری پژمرده احوال ایلیوب
اتّفاق کفر بو اسلامی پامال ایلیوب
چوخدور امداد ایلین أشراره یا صاحب زمان
.
.
گل جمالون گورمگه صد حیف محروم اولمیشوخ
بیزده دور جرم و خطا بو نوعی مغموم اولمیشوخ
ظالمین ظلمی دوتوب دنیانی مظلوم اولمیشوخ
ذوالفقار ایلر بو درده چاره یا صاحب زمان
.
.
ظاهر اولمیش بو جهاندا گونه گونه خصم دین
دوتمیش هر کس بیر طریقه قالمیوبدی رسم دین
معنی ایمان یوخدور بیر قالوبدور اسم دین
کام اولوب بو دوره چوخ فجّاره یا صاحب زمان
.
.
دوشدی بو مظلومیتوندن یاده اوزگه ماجرا
شاه مظلومان حسین جور و جفای اشقیا
نه بئله مظلوم اولوب عالمده نه بیله جفا
کوفیان ائتدی او بی غمخواره یا صاحب زمان
.
.
جمله یار و یاورین لب تشنه ائتدیله شهید
ووردیلا أود خیمه وُ خرگاهینه قوم عنید
دستگیر ائتدی عیالین ظلمیله شمر پلید
ووردی اعدا سلسله بیماره یا صاحب زمان
.
.
چون اسیر روم و دیلم آل طاها سربه سر
شام شومه گتدیلر آج و سوسوز با چشم تر
حشر اولونجا شیعه نی ایلر بو محنت خون جگر
شمر آپاردی زینبی بازاره یا صاحب زمان
.
.
صبحدن تا شامه دین کوچه به کوچه کوبکو
گزدی آل مصطفا باشلار جداده روبرو
عاقبت بیر گوشۀ ویرانه ده بی شرم عدو
وئردی منزل عترت اطهاره یا صاحب زمان
.
.
اولمامیش آرام عیال مصطفا ای شاه دین
ازدحامیله تماشایه گلوبلر اهل کین
بعضی زلفین حایل ائتمیشدی یوزه بعضی الین
گتدی بو غم زینبی گفتاره یا صاحب زمان
.
.
سویله دی باخمون بیزه شرم ایلیون ای اهل شام
عترت پیغمبروخ ایلون بیزه چوخ احترام
آد قویوبلار خارجی چوخ افترادور بو کلام
وئرمدی بو سؤز ثمر اشراره یا صاحب زمان
.
.
لطفیوه «دلریش» اولوب شاها سنون امیدوار
ایستروخ توفیق سندن روز و شب خورد و كبار
آل اله بیر ذوالفقارون ای ولیّ کردگار
انتقام آل چوخدی دلده یاره یا صاحب زمان
.
.
#داده_یت_بیز_قالمیشوخ_آواره_یا_صاحب_زمان
#ترکی
.
✍️ #زبدةالاشعار ✍️
.
🆔: @nohe_torki
نظر دهید