شهادت حضرت علی اکبر (ع)
#اوخشاما
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
داش دگوب داشون اوسته
یارون وار قاشون اوسته
آنون دور علی اکبر
آغلیور باشون اوسته
.
.
گوزومه گیله گلدیم
اوت ویرام دیله گلدیم
دینمدون دانشدیردیم
ایتمگه گیله گلدیم
.
.
فکرووه قالانام من
دردووی آلانام من
گئجه لر پاییز فصلی
لایلایون چالانام من
.
.
دیدیم ناز آز ایلرسن
قیشیمی یاز ایدرسن
کیم دیدی آنون گلسه
دینمیوب ناز ایدرسن
.
.
فکرووه گئجه قالدیم
گلمکده گئجه قالدیم
فلکون گوزی چیخسون
اوغولسوز نجه قالدیم
.
.
باشدان آی پارالاندی
اورگیم یارالاندى
ساتیلسا یاخشی گوهر
اوّلده یار، آلاندى
.
.
اسماعیل ساغ قییتدی
کفنی آغ قیتدی
منادن خلیل هاردا
اورکده داغ قیتدی
.
.
خلیلیم جان آپاردی
یار آلا – سان آپاردی
گلمدی نیه قربان
فداسین قان آپاردی
.
.
#اکبریه_معزی_اردبیلی
#اکبری_شهادت
#اوخشاما
#ترکی
.
✍️ #زبدةالاشعار ✍️
.
🆔: @nohe_torki
نظر دهید