دام هوس و نفسه گرفتارم الهی #مناجات #بابک_اردبیلی

مناجات
.
✍️ #زبدةالاشعار ✍️
.
🆔: @nohe_torki
.
حاج افشین بابک اردبیلی
.
دام هوس و نفسه گرفتارم الهی
مأنوس غم و آه شرر بارم الهی
.
دریای جهالتده سینان کشتی مثالی
طوفان گنهده کسیلوب چارم الهی
.
ای ذکری شفا بخش دل و جان نظر ایله
بیر عمردی عصیانیله بیمارم الهی
.
سن قادر بخشنده و دریای عطاسن
من عبد خطاکار و گنهکارم الهی
.
از بس گنهیم باشدان آشوب روز قیامت
یانسامدا جهنمده سزاوارم الهی
.
بیر عبد ذلیلم که ساتوب گوهر عمری
دوزخده اولان ناره خریدارم الهی
.
خسرانیمه باخ بوشلامشام سن کیمی یاری
ابلیس جفا گستریلن یارم الهی
.
گلدیم قاپوا آهیله بو نیمۀ شبده
چوخ گوز یوخودا من ولی بیدارم الهی
.
بارب سنی ویرم قسم اربابیم حسینه
بیر عمریدی اول شاهه عزادارم الهی
.
اغماض اولونار نوکره ،اربابینه خاطر
عفو ایله منی نوکر دربارم الهی
.
«بابک» بو گئجه آغلا دئنن حضرت حقه
من عاشق عباس علمدارم الهی
.
.
#دام_هوس_و_نفسه_گرفتارم_الهی
#ترکی
.
✍️ #زبدةالاشعار ✍️
.
🆔: @nohe_torki