تعریف شخصیت والای حضرت زینب(س)
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
حاج علیرضا #امانی_اردبیلی
.
دختر بو ترابیدی زینب
فخر اهل کتابیدی زینب
.
لقبی بی معلّم علاّمه
قدراً عالی جنابیدی زینب
.
مرتضا زینتِ بهشت اولدی
مرحبا زِینِ بابیدی زینب
.
هبَّذا لِل عَقیلَۀُ الاَعراب
مصحف عشقه بابیدی زینب
.
مثلینی گورمیوب فلک گورمز
کوه پُر التهابیدی زینب
.
همزبان اولدی بش امامیله
شرعه نایب مَنابیدی زینب
.
زینبی کیمدی اِیلیَن تفسیر
شرحه گلمز کتابیدی زینب
.
باخمیون وار یوزونده یول گردی
توز دوتان آفتابیدی زینب
.
ای قلم بعدِ سیّدُ الاَ شباب
رهبر انقلابیدی زینب
.
رهبر انقلابی سندرما
خبره اول دُرّ ِ نابیدی زینب
.
هر سوزی یازما آغلیا ملت
سوزلره ارزیابیدی زینب
.
صاحبُ الاَمره یازما بیچاره
داعی اُ لمُستَجابیدی زینب
.
ایلیور زینبیّته توهین
کیم دئسه درعذابیدی زینب
.
فکریدن بوسوزی سوآل اتدیم
شامیده بی نقابیدی زینب؟
.
قلمیم آغلیوب دیله گلدی
یوخ دئدی حق مآبیدی زینب
.
شرمی وار مطرح اولسا بو پرسش
چون سراپا جوابیدی زینب
.
زینبی فاطمه بویوتموشدی
فقهده مُستَطابیدی زینب
.
کیم دییور دشمنه اسیر اولدی
غرق در اضطرابیدی زینب
.
حوریلر زینبین اسیریدی
مفخر احتجابیدی زینب
.
بئله بیر قهرمان اسیر اولماز
بو یِئره انصابیدی زینب
.
حکمیدی شامیده قیام ائتسون
حامل بیر خطابیدی زینب
.
آتش زیر خاکه او خشاردی
یوزدن عین شهابیدی زینب
.
اللّهن قانینی آلان گونّر
ساچی قاننان خضابیدی زینب
.
زینبی غصه سندرامّزدی
غملره انتخابیدی زینب
.
شامیده باخما دستگیریدی
قفسین ایچره باغلی شیریدی
.
نایب دولت حسینیدی
وارث نهضت حسینیدی
.
اولانون قارداشا فدا ائتدی
هدفی عزّت حسینیدی
.
گوزلری حمد اِئدَردی رحمانی
سوزلری مِدحت حسینیدی
.
مکتبی منزل ولی الله
محفلی ساحت حسینیدی
.
اولدی چون قارداشیلاهم مکتب
عادتی عادت حسینیدی
.
مشترک والدین و اجدادی
نَسَبی نِسبَتِ حسینیدی
.
سود وِئرَن بیردی نطفه بیرقان بیر
شهره ی شهرت حسینیدی
.
شیر اولوب چون ابیِّ عبدالله
قدرتی قدرت حسینیدی
.
خطبه ده زینت علی اولسا
رتبه ده زینت حسینیدی
.
قامتی اوخشیوب اباالفضله
هیبتی هیبت حسینیدی
.
سن دِ ئنَن چوخ حسینه اوخشاردی
من دِ ئییم حضرت حسینیدی
.
هم آنا هم باجیدی هم قارداش
مایه ی حیرت حسینیدی
.
معجری قاره اولدی بش یاشدان
غمده هم قسمت حسینیدی
.
چوخودی طاقتی اوشاقلقدان
شاهد همّت حسینیدی
.
گوز یاشین توکمزیدی مقتلده
آغلادان حسرت حسینیدی
.
زینبه آغلاماق یاراشمازدی
یاندران حالت حسینیدی
.
تلیدن گوردی قانلی بیرگودی
عرصه ی محنت حسینیدی
.
باخمیور شمره گوئیا مقتل
گوشه ی عُزلت حسینیدی
.
عارفین گوردی حمد رحماندا
عاشق صحبت حسینیدی
.
غرقیدی بی نیاز رازینده
عالم وصلت حسینیدی
.
چهره سی شادمانیدی گویا
یاره لر لذّت حسینیدی
.
جان وِئرَن حالدا قانلی سیماسی
بهترین طلعت حسینیدی
.
گودیِ قتلگه نه بیر گودی
قلّه یِ رفعت حسینیدی
.
کورگه اوخ آچوب ئورکدن یول
جلوه ی شوکت حسینیدی
.
دوزَ لَن وعده های شمریدی
اگیلن قامت حسینیدی
.
اوتوران سینه سینده چکمیله
آپاران منَّتِ حسینیدی
.
بو غمه صبر اِئدمَّدی زینب
مسئله حرمت حسینیدی
.
یوز قویویب قتلگاهه تل اوستن
آخرین بیعت حسینیدی
.
زینبی چکدی عشق گوداله
گَتیرَن غیرت حسینیدی
.
خنجر شمری دوتدی اَل عریان
خبره ی قیمت حسینیدی
.
ناگهان آچدی شمر شلاقین
دشمن شوکت حسینیدی
.
ضربیه ائِتدی زینبی آماج
باعثی وحشت حسینیدی
.
ضربه لرسالدی زینبی دیلدن
ناظران امّت حسینیدی
.
یخلوب قارداشون کنارینده
وارد خلوت حسینیدی
.
شمریلن جنگه دورمادی زینب
چون او دم ساعت حسینیدی
.
ائتمه دی ذرّه شکوه هجراننان
عالَمِ وحدت حسینیدی
.
منده گلدیم دِئدی باجون قربان
حُکمی چون حِکمَتِ حسینیدی
.
اولمادی آیری بیر سوزه فرصت
صحبته نوبت حسینیدی
.
مخیمه ساری باخدی ثار الله
موسم غارت حسینیدی
.
بویوروب قیزلارم کمک سیزدی
قورخوشان عترت حسینیدی
.
گئت باجی قیزلاری آل اللّردن
مسئله عفّتِ حسینیدی
.
دئدی عشق ایندی آغلا یا زینب
اوّ لین هیئت حسینیدی
.
دلبرین ماتمینده دلداده
آغلادی شدتیله بیداده
.
وا حسین سسلیوردی ال باشدا
قییدوب مخیم غم آباده
.
نه چکوب تازینه دن زینب؟
فاطمه تک بیلوردی معناده
.
ئوزی چون چکمیشیدی بو دردی
قاپوسی اود لانا ندا غوغاده
.
نِینیَر تازیانه گورموشدی
بیر زمان دوشسه دست شیاده
.
توخانان یئرده شمر شلاقی
پیکر زینبه ، او اَثناده
.
یوزونه بعضی سی توخانموشدی
اثری قالموشیدی سیماده
.
اوندا کی قوزانوب قرا یلّر
وِئردی جان نوح قانلی دریاده
.
مخیمه حمله ایله دی لشگر
نجه حمله ائِدَ لّه دعواده
.
توکولوب هم پیاده هم آتلی
خیمیه دشت محنت افزاده
.
اوچدولار پر شکسته تیهولر
گوزلری دوشدی هانسی صیاده
.
خیمه لر یاندی قاچدیلار قیزلار
علقمه ساری هتک و هیجاده
.
بیلمه دی نینه سین ولی زینب
ایسته سین داد؟ گتسین امداده؟
.
زینبه تیکمیشیدی گوز قیزلار
مرتضاده حسنده زهراده
.
یورگی قتلگاهی ایستوردی
گوزی اما رباب و لیلاده
.
گه قاچوب مقتله ساری زینب
قویماسون تا حسینی غوغاده
.
گه گوروب ئولدوریله قیزلاری
قییدوب مخیمه او صحراده
.
گه دِئدی عترته قاچون دشته
گه دئدی صبر اِئدون بو بیداده
.
قالخزوب گاهی قیزلاری یئردن
یخلوب گاه ئوزی معلا ده
.
.
.
#زینبیه_مدح
#زینبیه_شهادت
#دختر_بو_ترابیدی_زینب
#امانی_اردبیلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید