توسل به حضرت فاطمة الزهرا سلام الله علیها
.
✍️زبدة الاشعار✍️
.
🆔: @nohe_torki
.
مرحوم حاج محمود #رهبری_تبریری
.
دردمندم دردیمه ایله دوا یا فاطمه
درگهوندن چکمرم ال مطلقا یا فاطمه
فاطمه یا فاطمه ….
.
.
هیچ خانومدا یوخ سنون تک بیر بیله شأن و وقار
عزّتین عالمره گون تک اولوبدور آشکار
باب رحمتدن خانملیق ایت منی سالما کنار
ناله و فریادیمه گل ویر صدا یا فاطمه
.
.
باب رحمت سن سنی ایلیوب غنی ربّ جلیل
سن کیمی هانسی خانومدا وار بو اوصاف جمیل
درگه حقدور قاپون علّت اودور دوشدم دخلیل
غیر حق باشیمدا یوخ اوزگه هوا یا فاطمه
.
.
اون بیر اولدوز مادری سنسن اَیا نور خدا
هیچ کیمه حق ایتمیوب سن تک بیله نعمت عطا
نوکرم عمروم قاپوندا قورتارار ایتسن سخا
لطف و احسان ایله سن اولام رضا یا فاطمه
.
.
باب رحمت دور قاپون سنسن خانم کان کرم
درگهون ارض و سما اهلی دوتالار محترم
آستان پاکوی مینلر بهشته ویرمرم
درگهونده گورموشم ذوق و صفا یا فاطمه
.
.
عزّت دنیا و عقبانی ویروب خالق سنه
سندن اخذ ایلله درمان درد اولانلار دردینه
دردمندم بی نوایم قیل گلن احسان منه
شأنیوه عالملرین جانی فدا یا فاطمه
.
.
هجر اودوندا روزو شب آگاهسن قلبیم یانور
شوق دیدار بقیع هرگون بو ساعاتی سانور
سن او عزِّتلی خانمسان یرگویون اهلی تانور
قویما هجرونده گوزوم یولدا قالا یا فاطمه
.
.
روزوشب ملک بقیعه قالموش حسرتده گوزوم
او دیار غم فزایه دلده واردور چوخ سوزوم
گون قباقینده قالان دورت قبره قربانم اوزوم
اهل کین قویمازلا شیعه آغلیا یا فاطمه
.
.
غم فزا کویون سنون معناده جنِّت دور خانم
هر ایکی دنیا بوئی بیر گنج عزّت دور خانم
ایله سن قسمت منه لطف و کرامت دور خانم
قویما حسرتده قالام ایله عطا یا فاطمه
.
.
خادم درباروزام هر چند گمنام شاعرم
من دیمم هر بیر فنون شعریده من ماهرم
لیک لطفوز اولسا هرآن بزم غمده حاضرم
(رهبرینون) قلبینه اولسون صفا یا فاطمه
.
#سبک_زینبم_جان_اوستیم … 4 سبک
.
#فاطمیه_مدح
#دردمندم_دردیمه_ایله_دوا_یا_فاطمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید