مدح حضرت جواد (ع)
.
✍️ زبدة الاشعار ✍️
.
🆔: @nohe_torki
.
مرحوم حاج محمود #رهبری_تبریزی
.
دردون دواسی واردی جواد الائمه ده
قلبون صفاسی واردی جواد الائمه ده
.
.
بیگانیه اَل آچما اونا دردیوی دئمه
مأیوس اولما اُوزمه الین غصّه چوخ یمه
هردردون اولسا ساخلاما دیلده اونا دینه
حقین رضاسی واردی جواد الائمه ده
.
.
مشکل گشادی فاطمه نین اوغلی هر زمان
عالملره عطاسی اولوب گون کیمی عیان
صاف اعتقادیله اونا ایت دردیوی بیان
دردون دواسی واردی جواد الائمه ده
.
.
دامان رحمتیندن اَل اُوزمه جهانیده
عمرون نقدری واردی سورون آستانیده
داده یتر چاغورسان اونی هر زمانیده
لایق عطاسی واردی جواد الائمه ده
.
.
آیلار گرک او نور روخوندان جمال آلا
غنچه گل آچماقی لب لعله مثال اولا
اهل ادب کمالی بو گلدن کمال آلا
حُسنین بناسی واردی جواد الائمه ده
.
.
گیت کاظمینه گور نه گوزل وار جلالتی
آل مشکبو او قبریدن عطر و طراوتی
زوّارینا اونون اولی چوخلی کرامتی
دللر صفاسی واردی جواد الائمه ده
.
.
دویماز زیارتیندن اونون بندۀ خدا
صحن و رواقی قلبه ویرر واقعی صفا
یاده دوشر رواق شه دشت کربلا
نور ضیاسی واردی جواد الائمه ده
.
.
موسی بن جعفریله یاتوب بیر رواقیده
ششگوشه قبریده یاتوب اکبر ایاقیده
واردور علاوه اصغر عطشان قوجاقیده
جدّی لقاسی واردی جواد الائمه ده
.
.
کرب و بلانی یاده سالان وقته هر زمان
آیلر فراق قبری اَحبّانی باغریقان
هر عاشقین عذاره اولار گوز یاشی روان
غم لر نواسی واردی جواد الائمه ده
.
.
کرب وبلا گوزل آدیون محتواسی وار
عاشقلرون او یرده تک آقاسی وار
هر درد بی دوانون اویرده دواسی وار
درد آشناسی واردی جواد الائمه ده
.
.
نه کربلا گوزوم یاشی ویرمز امان منه
اون سوز نه لازم اولا قسمت جنان منه
کرب و بلادی هر ایکی دنیا قالان منه
دل ماجراسی واردی جواد الائمه ده
.
.
نه کربلا که حشره کیمی ماجراسی وار
باران کیمی یاغار غمی غملی فضاسی وار
هم کاظمین ده موسی ابن جعفر مزاری وار
رهبر عطاسی واردی جواد الائمه ده
.
.
#جوادیه_مدح
#دردون_دواسی_واردی_جواد_الائمه_ده
#رهبری_تبریزی
#ترکی
.
✍️ #زبدةالاشعار✍️
.
🆔: @nohe_torki
نظر دهید