ورود به شام
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
دروازۀ ساعتدن فوج اسرا گئچدی
آل الله ایچون محشر ای اهل عزا گئچدی
.
.
عریان دوه اوستونده قول باغلی آچوق باشی
مونسلری غم امّا همره لری گوزیاشی
زینب او زمان گوردی صف صف دوروب اوباشی
ینگین ایلیوب معجر اول کان وفا گئچدی
.
.
رقصنده نوازنده الده دف و نقّاره
ویرمزدی تماشاچی یول عترت اطهاره
چخمیشدی تماشادن اوتری در و دیواره
من دیدیم ایشتدون سن سوز اولدی هوا گئچدی
.
.
الله و پیمبردن نه شرم و حجاب ایلر
زهرا قیزینا دشمن خارجی خطاب ایلر
شیعه اورگین بو غم واللّهی کباب ایلر
شدّتله ایدوب اطفال ناله چو درا گئچدی
.
.
بیر عورت ملعونه خاتون قیامتدن
شرم ایلمیوب ووردی داش فرق امامتدن
قرآن اوخیان باشی داش سالدی تلاوتدن
غم قافله سی خاموش بی صوت و صدا گئچدی
.
.
بیر نفخه ایله صورین چالدی اودم اسرافیل
اطفال ستم دیده بازاره اولوب داخل
زینب دوه اوستنده کلثوم سنق محمل
بازاره نه ذلّتله گور آل عبا گئچدی
.
.
گزدیردیله اوّلده هر برزن ترسانی
جمع اولدی تماشایه هم کافر و نصرانی
زینب یوزینه سالدی گیسوی پریشانی
درک ائت بو اشاره ایله سوز اولدی ادا گئچدی
.
.
نفرین بیله شاماته لعنت بیله دورانه
زهرا قیزی معجرسیز اف بیله مسلمانه
هاردا یته جاق آیا زینب غمی پایانه
آج تشنه اوشاقلاره بلمم نه جفا گئچدی
.
.
اکبر باشینی گورجاق لیلا گوزی قان آغلار
قیزلاردا اوشاقلاردا ایلرهیجان آغلار
هم کون و مکان آغلار هم دور زمان آغلار
آیا بو مصیباتی کیم گوردی روا گئچدی
.
.
من اهل خراباتم «بیضایم» و درویشم
نه گبر وَ نه کافر ، بیر مسلم دلریشم
شغلیمدی کله دوزی شعریمدی منیم پیشم
تقصیر و گناهیله عمر اولدی فنا گئچدی
.
.
#ورود_شام #بیضا_اردبیلی
#دروازه_ساعتدن_فوج_اسرا_گئچدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید