زبدةالاشعار

درک ایدنمز عقول و وهم و قیاس آفتاب کمال زهرانی #فاطمیه_سعدی_زمان

در مدح حضرت زهرا سلام الله علیها
.
✍️زبدة الاشعار✍️
.
🆔: @nohe_torki
.
مرحوم #سعدی_زمان
.
درک ایدنمز عقول و وهم و قیاس
آفتاب کمال زهرانی
اون بیر اولدوز ایله منوّر ایدوب
آسمان جلال زهرانی
.
.
مثل و مانندینی گتورماقدان
حشره تک مام دهریدور نازا
شأن مریم هارا بتول هارا
گَتیروبدور اگر او بیر عیسی
اون بیر عیسادن اکمل و افضل
گَتیروبدور بو عالمه زهرا
ایتمیوب خلق بیرده ایتمیه جاق
حیّ اعلی مثال زهرانی
.
.
بویوروبدور خدای عالمیان
عقل کلّه که ای رسول جمیل
خلق اولونمازدی عالم امکان
اولماسیدون سن ای نبیّ نبیل
سنی خلق ایلمزدیم عالمده
اولماسیدی علی ولیِّ جلیل
ایتمیشم خلقتوزده هر ایکیزون
واسطه اتّصال زهرانی
.
.
اشرف کائنات ختم رسل
دیسه هر کلمه وحی دور یوحی
نصّ قرآندی احمد و محمود
دیمیوبدور دیمز کلام هوا
حقّ زهراده سویلیوب کرّات
بو قیزا کاش اولا آتاسی فدا
قول پیغمبر خدادور ایدن
کشف شأن و جلال زهرانی
.
.
گورمیوب گورمز عالم امکان
بیر بشرده اولا بو عزّت و جاه
بدو خلقتده نور زهرادن
کسب نور ایلیوبدی مهریله ماه
جز نبیّ و علی مقامیندن
اولمیوب بیر بشر اولا آگاه
هانسی بیر خامه ده او قدرت وار
یازا وصف خصال زهرانی
.
.
اودور عالمده احمد ثانی
اودور الله نورینه مشکوة
اودور عصرینده نقطۀ توحید
اودی مرضیّه صاحبُ البرکات
اودی محبوبۀ خدای مجید
اودور انسیّه روی و حوری ذات
ایدوب اوز امری تک خدا واجب
هامیه امتثال زهرانی
.
.
یوخدی شأن و جلالینه تالی
بو جهاندا مگر جلال الله
یوخدی جود و نوالینه مانند
ماسواده مگر نوال الله
حق رضاسی رضاسیدور سخطی
سخطِ ذات لایزال الله
مهریله، قهرینه ایدوب مظهر
حضرت لایزال زهرانی
.
.
گونده اوچ دفعه یثربین شهرین
روشن ایلردی نور رخساری
صبح وقتینده جلوه گر آق نور
ظهر وقتی طلیعه ی ساری
شام وقتینده شوق مولادن
مه جمالی اولوردی گُلناری
اوزینه آرزو ایدردی فلک
شفق آتدا کمال زهرانی
.
.
حیف اولا قدری اولدی مجهوله
قبریده اولدی قدری تک گیزلین
کاش الی شل اولیدی ثانینون
ایتدی بیر ظلم او ظالم بی دین
پاره لندی قباله سی فدکین
لرزیه گَلدی آسمان و زمین
آی یوزین قاره بیر بولود دوتدی
ایتدی نیلی جمال زهرانی
.
.
بوردا صهّاک زاده زهرایه
ایتمسِیدی اگر بیله ایذا
کربلاده جسارت ایتمزدی
خولی و شمر روز عاشورا
تازیانه مخدّراته یقین
وورا بُلمزدی لشگر اعدا
هاشمیّات اسیر اولمازدی
ئولدورن گون، رجال، زهرانی
.
.
ای گرفتار درد و غصّه و غم
تاپمیان ابتلاده چاره یولی
غرق دریای ابتلا و اَلَم
یوزینه باغلانان کناره یولی
شدّت غصّه دن یولین ایتورن
تاپاسان ایسته سن دوباره یولی
تانیدوبدور خدا نجات یولی
باب زهرا و آل زهرانی
.
.
سیّئاتیله نامه ی عملون
ای «حسینی» اولوبدی گرچه سیاه
حسناته یوخوندور امّیدون
دفترون دولدوروب تمام گناه
قوخما مأمورلر قیامتده
جرم پروندوه ایدنده نگاه
چشم پوشی ایده لّه سینونده
گورسه لر گر مدال زهرانی
.
.
#فاطمیه_مدح
#درک_ایدنمز_عقول_و_وهم_و_قیاس_آفتاب_کمال_زهرانی
#آثارالحسینی1 ص29
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دنيادان آز ده منه دل اونی بيگانه بولر #پندیات_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی