در و دیوارین آراسیندا قالان وای ننه وای #فاطمیه_غمکش

زبانحال حضرت زینب (ع)
.
✍️ #زبدةالاشعار ✍️
.
🆔: @nohe_torki
.
مرحوم #غمکش
.
در و دیوارین آراسیندا قالان وای ننه وای
یاره لی سینه سینین قانی آخان وای ننه وای
.
ئوز ائوینده دوگولن مادر خونین جگریم
گوزلری محسنه حسرتله باخان وای ننه وای
.
ای گلی پرپر اولان غنچه چاقیندا یارالی
ظلمیله درگهی عالمده یانان وای ننه وای
.
حقّینی اهل جفادن گئدوب آلدی قیدوب
گُذرین کوچه ی باریکه سالان وای ننه وای
.
آتامون گئتدی الیندن کمکی یالقوز اولوب
آغلیار دورت ئورگی غملی بالان وای ننه وای
.
سینه سینده قالان ای ضربه ی مسمار یئری
میخ در باعث اولوب جانی آلان وای ننه وای
.
صورتینده قالان ای دست ستمکار یئری
آهیله ناله سسین عرشه اوجالدان ننه وای
.
قنفذون قمچی سینین ضربه لریندن گووَرن
بیلگی هم گووَروب هم قارالان وای ننه وای
.
زرد گلفام و سیه فام اولان القان ئورگی
گلشنی بیرگونون عرضی سارالان وای ننه وای
.
ایکی باجی، ایکی قارداش بیر آتا آغلیاروق
وطن آواره سی اولدوق بو زمان وای ننه وای
.
آهیله سینه لری داغلیاروق صبح و مسا
غملی قلبه نه قالوب تاب و توان وای ننه وای
.
(غمکش) الده قلم ودفتری آغلار شب و روز
بُلور آغلار بالاسی میرجهان وای ننه وای
.
ایندی ئوز منتقم اوغلی دئیور حتما بیلورم
یارالی پیکری القانه باتان وای ننه وای
.
.
.
#فاطمیه_شهادت
#در_و_دیوارین_آراسیندا_قالان_وای_ننه_وای
#ناله_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki