دفن ایدنده جسم زهرانی ولی کردگار #فاطمیه_صحاف_تبریزی

دفن جسم مطهر حضرت فاطمه زهرا علیها سلام
.
✍️ زبدة الاشعار ✍️
.
🆔: @nohe_torki
.
مرحوم محمد حسین جنتی مقام ( #صحاف_تبریزی )
.
دفن ایدنده جسم زهرانی ولی کردگار
قبردن بیر جفت ال اولدی او ساعت آشکار
.
بولدی پیغمبر دی اللر صاحبی تعظیم ایدوب
احترامیله او جسم اطهری تقدیم ایدوب
.
پوزدی حال مرتضانی بو اسفلی ماجرا
وار یری گلسیدی شاه لافتایه بو صدا
.
.
ساخلادون مندن سورا یاخشی امانت یا علی
وئر قیزیم زهرانی سن چکمه خجالت یا علی
.
استراحت گورمیوب اون سگّیز ایل عمرون ده بو
تاپمیوب بیر آن مصیبت دن فراغت یا علی
.
آج قالوب اوچ گونلریله کیمسه دردین بولمیوب
خوش گونه دائم قالوب عالم ده حسرت یا علی
.
سالم اعضائیله تاپشوردوم گیدنده من سنه
برگ گل تک نازنین جسمی سلامت یا علی
.
نه یارالیدی نه دوشموشدی وجودی صدمیه
نه واریدی پیکرینده بیر علامت یا علی
.
اللری سالم، یوزی سالم گوزی سالم سنه،
ایلدیم تسلیم ایدن ساعتده رحلت یا علی
.
زلف مشگینی واریدی سرو تک بیر قامتی
موبه مو احوالین ایلردی حکایت یا علی
.
نه قولی سینمیشدی نه غمدن آغارمیشدی ساچی
نه واریدی گل وجودینده جراحت یا علی
.
سولدی رنگی قولّاری سیندی بالاسی سقط اولوب
سالدی بو حاله بو نه بیشرم امت یا علی
.
قلبی داغلاندی گوگردی ضرب سیلی دن یوزی
غصه مرگ اولدی ایاقدان سالدی محنت یا علی
.
آغلا #صحاف ایلمه هول قیامتدن هراس
یا او گون ایلر سنه زهرا شفاعت یا علی
.
.
#فاطمیه_شهادت
#دفن_ایدنده_جسم_زهرانی_ولی_کردگار
#ساخلادون_مندن_سورا_یاخشی_امانت_یاعلی
#ترکی
.
✍️ #زبدةالاشعار✍️
.
🆔: @nohe_torki