عشق و ارادت به سقای کربلا
.
✍️ #زبدةالاشعار ✍️
.
🆔: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه … #سبک_آتدان_یره_چون_دوشدی
.
علیرضا حضرتی
.
دنیانی ائدر سیراب عباسین او بوش مشکی
عشاقی ائدوب بی تاب عباسین او بوش مشکی
سودامر قالوبدور عطشان ابوالفضل
شرمنده جانوه قربان ابوالفضل
.
.
دیللرده ابوالفضلین ازبردی گؤزل آدی
لطف و کرم و جودی بیر موجیلی دریادی
باب کرم و رحمت عاشقلره مولادی
مشگینده گؤزوم واردی چونکی آدی سقادی
دریای رحمت و احسان ابوالفضل
شرمنده جانوه قربان ابوالفضل
.
.
امید آقادان کسمز دنیا بویی بیکسلر
عشقین دل شیداده هر عاشق اولان بسلر
مشکلده قالا هر کیم داده آقانی سسلر
تأثیر ائدر عباسه غمدن اوجالان سسلر
سائلین ایلمز گریان ابوالفضل
شرمنده جانوه قربان ابوالفضل
.
.
حق اوسته او دریا دل مین شوقیله جان قویدی
قولدان نه قوا قویدی دلدن نه توان قویدی
بیر جوت قول آلا بیر گؤز عشقینده نشان قویدی
ایثارینه تا قیمت خلاق جهان قویدی
یازدی اؤز قانیلن پیمان ابوالفضل
شرمنده جانوه قربان ابوالفضل
.
.
عباسه سلام اولسون وارسته اورکلردن
مردانه حمایت چون ائتدی قوجا رهبردن
هم دینیله قرآندان هم آل پیمبردن
افسوس اولا شرمنده اولدی علی اصغردن
ای عالم دردینه درمان ابوالفضل
شرمنده جانوه قربان ابوالفضل
.
.
اخیامیده سقا چون درک ایلدی غوغانی
مشگین گوتوروب سالدی دوشه او وفا کانی
بیر یا على سسلندى عزم ایلدی میدانی
فی الفوری آلوب نهری اول عرصه لر اصلانی
ایچمدی سوکچدی جاندان ابوالفضل
شرمنده جانوه قربان ابوالفضل
.
.
اول ساقی لب تشنه دولدوردی سودان مشکین
چگنینده ائدوب محکم سقای جوان مشکین
جان حاضریدی وئرسین حفظ ائتسون اینان مشکین
اوخلار ولی حیف اولسون ائتمیشدی نشان مشکین
ای قلبی غملردن القان ابوالفضل
شرمنده جانوه قربان ابوالفضل
.
.
عباسه او نخلستان صحن عرصات اولدی
دورت سمتیدن اوخ یاغدى مقهور جهات اولدی
آماج بلیاته اول نیک صفات اولدی
قوللاری دوشوب تندن غملی لحظات اولدی
اخیامه گؤزتیكدی حیران ابوالفضل
شرمنده جانوه قربان ابوالفضل
.
.
احسن دئدی عالملر اول جاهد خوش نامه
ایستردی وئره عهدین ایثاریله اتمامه
مشگین دیشینه آلمیش قولسوز گئدور اخیامه
احسن او وفاداره، نفرین اولا ظلامه
گؤزیولدا قالوبدور طفلان ابوالفضل
شرمنده جاتوه قربان ابوالفضل
.
.
بیر اوخ ولی اوخلاردا چون برق بلا شاخدى
شاخدی ایلدی پاره مشکی سو یره آخدی
آخدی سو، سوسوز سقا حسرتله سوا باخدی
باخدی اور گین غملر یاندیردی اونون یاخدی
قلبینه دوشدی بیر طوفان ابوالفضل
شرمنده جانوه قربان ابوالفضل
.
.
واردور یئرى قان اولسا قلبون بو عبارتدن
جسمینده یارا گرچه کچمیشدی نهایتدن
ئولمزدی ولی عباس آثار جراحتدن
ئولدی او سوسوز سقا میداندا خجالتدن
عاشقلر سسلنر هر آن ابوالفضل
شرمنده جانوه قربان ابوالفضل
.
.
.
.
#عباسیه_حضرتی_ناعمی
#عباسیه_مدح #عباسیه_شهادت
#دنیانی_ائدر_سیراب_عباسین_او_بوش_مشکی
#ترکی
.
✍️ #زبدةالاشعار ✍️
.
🆔: @nohe_torki
نظر دهید