دوتوبدی هر طرفی جلوۀ جمالون علی #اکبریه_آصف_تبریزی

وداع حضرت علی اکبر علیه السلام
.
✍️ زبدة الاشعار ✍️
🆔: @nohe_torki
.
مرحوم آصف تبریزی (1)
.
دوتوبدی هر طرفی جلوۀ جمالون علی
بیر اؤزگه حاله سالوبدور منی بو حالون علی
.
گورنده زلفوی دوشدوم بیر اوزگه سودایه
اگر بیریدی سنه میلیم اولدی مین پایه
دولاندروب گوزیوی بیر باخ امّ لیلایه
آنان دویونجا گوره بلکه خطّ و خالون علی
.
بو قامتون دگی، مدّ نگاه لیلادور
بو قلبمون اودی تاثیر آه لیلادور
سرشگ دیده یوزومده گواه لیلادور
که وار بو گونده سنون گون کیمی زوالون علی
.
.
هامی بولوردی عزیزیم عزیز مادریدون
قرا گونومده منه آفتاب انوریدون
اوزون بو عادتیله مظهر پیمبریدون
دالونجا زلف سیاهین اولوب جلالون علی
.
.
شکسته قلبیده چون قالدی حسرتیم طویوا
توکر سرشک علی گوزلریم گیدن یولووا
بویون بلاسین آلیم بیر یری باخوم بویوا
گوزومده نقشی قالا صورت مثالون علی
.
.
نجه که خوشدل اولار عندلیب گلشنیله
منیم ده خوش گونوم اولماز علی مگر سنیله
دلون فداسی اولوم نطقه گله دانیش منیله
نچون که قوّت دلدور منه مقالون علی
.
.
بو آق کفن بو قرا زلف بو قدِ موزون
بو آهوانه نگاهون بو حُسن روز افزون
هوانون ایستیسی رخسارون ایلیوب گُلگون
نه خوش دوشوب او کفنله بو رنگ آلون علی
.
.
منیم باشیم اوجالار سن اگر شهید اولاسان
بشرط اینکه ویرن وقته جان وحید اولاسان
دایانما گئت ایکی دنیاده روسفید اولاسان
او امدیگون سودوم اولسون سنون حلالون علی
.
.
اوجالسا هر نقدر «آصفا» مناجاتون
اوجالماز عشقون اگر اولماسا ، مقالاتون
گر ایسته سن علی اکبر ویره مکافاتون
ئولونجه قوی اولا فکرون علی ، خیالون علی
.
(1) در دیوان مرحوم هندی تبریزی نیز این شعر بدون تخلص آمده است.
.
#اکبریه_شهادت
#دوتوبدی_هر_طرفی_جلوه_جمالون_علی
#اکبریه_آصف_تبریزی
#ترکی
.
✍️ #زبدةالاشعار ✍️
🆔: @nohe_torki