قتلگاه و غارت خیام
.
✍️ #زبدةالاشعار ✍️
.
🆔: @nohe_torki
.
شاهی اردبیلی
.
دوران یئتیریب مردم نامردی مراده
علمین نفسین قیرماقا جهل ایتدی اراده
.
انصافه گئییندیردی کفن یوللادی قبره
ایمانه دیدی دینمه سوزون قالدی معاده
.
چوخ پنجره نوریله وداع ائیلدی آخر
چوخ گوزگی بوروندی توزا عمر ائتدی خفاده
.
ناصحده هدایت ایلدی کج یولا خلقی
وئردی هدفی ترسه نشان قبله نماده
.
مردم گهر همتی آختاردی عدمدن
آمیخته ازبس که وجود اولدی فساده
.
یاپراقلارینی دست دعا ایتدی آغاجلار
سیندی دل شاهی تک او اللرده دعاده
.
یوندی داغی سوهان حوادث یئله ویردی
بیر ذره اثر ائتمدی ارباب عناده
.
رنگین اوقدر عالم و عامی عوض ایتدی
نه قاندا اثر جلوه سی قالدی نه حناده
.
دیشلر توکولوب میوه یئمک میلی آزالدی
دنیانی یئمک حرصی ولی اولدی زیاده
.
قاشلار آغاریب قلبیلر اما قره لندی
لعن ایلدی اول قلب لره آغدا قراده
.
قدرتلرینی ائیلدیلر قانیله محکم
فکر ائتمدی لر لیک بو معنا و مفاده
.
سلطانلار الهی اولا گر مثل سلیمان
یئل تختلرین ساخلار ال اوستونده هواده
.
افسوس اولا که ائتمدی حکمت داشا تاثیر
بی عاطفه لر قالدیلار انکار و خطاده
.
چوخ حیله وئریب ال اله چوخ نقشه چکیلدی
تا تک قالا زهرا بالاسی قانلی مناده
.
.
یول اولدی غرض سیطره ی ظلمته هموار
فرقانی عزادار ایلدی فرقه ی اشرار
.
.
اولدوزلاری تپراقه ییخیب مردم جانی
ذبح ائیلدیلر احسن آیات هدانی
.
قالدی وسط معرکه ده مطلع هو تک
اول مطلعه قربان شعرانین دل و جانی
.
سعداوغلونون اطرافین آلیب یاور و انصار
قالخیب گویه صوت رجز و چرب زبانی
.
اللرده علم ، نیزه ، جدا ، تیغ شرربار
سرکرده سی ، سرلشگری ، سردار و سرانی
.
اون مین اوخ آتان نیزه وران سویلور امیرا
امر ائت کی وراق بیر بیرینه ارض وسمانی
.
شاهنشهین اما بوغولوب لشگری قاندا
یوخ کهنه قلندرلری یوخ تازه جوانی
.
میداندا کی سردارینی ذبح ائیلییب اعدا
قونداقدا کی سربازینی اولدورموش ادانی
.
تک زینبی قالمیش آلیب آرامین اونوندا
وحشتدن اسن طفل لرین آه و فغانی
.
تل اوسته او مولانین ایدور عترتی غوغا
قلبینده عمودیله آچیق باش جریانی
.
یئل سویلئییر ای شاه اگر یوخدی وزیرون
امر ایت من آچیم عرصه ده اول قانلی لوانی
.
قوش عرض ائلئیور زینبوون وقتی یتیشمور
قوی شهپریلن من سیلیم آلنوندا کی قانی
.
با اینهمه اول نقطه نی نطاق ائلیین شاه
تشویشه سالیب دایره ی جنگ وجفانی
.
فرمایش ائدیر آگه وبیدار اولون ای قوم
زین اوسته ذوی العرش ائدیر ابلاغ معانی
.
سوگند اولا والفجره که من روح خدایم
ای اهل فجور اوخلامیون روح خدانی
.
.
ظلم ائیلمیون قرآنا حیثیتوز اولسون
تل اوسته ملر آیه لریم غیرتوز اولسون
.
.
ای قوم خصومت مکنید این همه بامن
سعداوغلی یدالله و هوالفوزدی یامن ؟
.
از عرش وزمین و ملک و انس بپرسید
شاهم به ثریا من و شاهم به سرا من
.
هر آنچه که در غیب و شهود و ملکوتست
دانم همه را من همه را من همه را من
.
از چوب بود فاصله تا حضرت آدم
باشد ز شما نیز همین فاصله تا من
.
در هر سر موی من دلداده بهشتیست
با هر سر مو می کنم اظهار ثنا من
.
در خرمن صد زاهد عاقل زند آتش
این شعله ی عشقی که فکندم همه جا من
.
گر تیغ ببارد ز هوا ، باک ندارم
از هو بزنم دم ، نزنم دم ز هوا من
.
مستغرق خونم مکن ای شمر که غرقم
در روح خدا ، روح خدا ، روح خدا من
.
آن زر که دهد وعده عمرسعد بود قلب
حقا که من از خاک کنم لعل و طلا من
.
دانشگه تدریس متون ملکی را
در کعبه خدا دارد ودر کرب وبلا من
.
با این که ز نه دایره بگذشته جلالم
با این که نگینم به ده آیات هدا من
.
تاجی به من تشنه نشان داده تبارک
سر می دهم و می خرم آن را به بها من
.
هر زخم من تشنه جگر میکده ای است
بیرون نبرم زنده تن از میکده ها من
.
ای ناوک و ای خنجر و ای تیر ببارید
مشتاق پذیرائیم از جمع شما من
.
.
اوخلار دیدی لبیک یاغیش مثلی توکولدی
بیر سینه کی میخانه ی وحییدی سوکولدی
.
.
بیر حده یئتیشدی او شهین تاب و توانی
بیر حربیه باغلیدی کی پرواز ایده جانی
.
اول حربه نیده حرمله وردی اورگیندن
نه اولدی سوال ایتمه کی مشکلدی بیانی
.
بیر حالدا که زینب الی قوینوندا باخوردی
اوچ پرده ده اجرا ایلدی ظلمین ادانی
.
داش الده قلینج الده اول گلدی ویرانلار
راضی یولا سالدی شه او مردان گدانی
.
بیر کوه غضب پرده ی دومده گوروندی
چیخدی یارالی سینیه تیترتدی سمانی
.
اوچ سنلی عاقل بالا بیر سمتده باخدی
بیر سمتیده کسدی آتاحلقومینی جانی
.
بیر یاندا ییخیلدی یره غش ایتدی رقیه
بیر یاندا بویاندی قانینا روح معانی
.
زینبده قالوبدور ایکی طوفان آراسیندا
بیلمور اوخانم رد ایلسین هانسی بلانی
.
القصه یئتیب پرده ی دومده تمامه
باشلاندی اودم پرده ی سوم جریانی
.
تشبیهیله اظهار ایدورم اهل رموزه
بو پرده ده اجرا اولونان ظلم و جفانی
.
بیر دفتر اولا صفحه لری برگ طلادن
الفاظی گهر ، نقطه لری لعل یمانی
.
اون مین ال اوزانسا او قیزیل دفتره بیردن
تا اینکه قوپاردا هره بیر برگ طلانی
.
نه حاله او دفتر قالار ای عاقل و عارف
لشگر اوحالا سالدی تن پیر مغانی
.
گلدی اوخویا اول سوکولن دفتری زهرا
اما اوخویا بیلمدی سوز قالدی نهانی
.
.
سسلندی اوغول سینه ی عریانووه قربان
بو صفحه سی یوخ دفتر و دیوانووه قربان
.
.
اول دفتره عیسی باش اگیب داره چکیلدی
داره که خییر ، گنبد دواره چکیلدی
.
اول دفتری اسرا گئجه سی آچدیلا بیردم
مین داغ دل احمد مختاره چکیلدی
.
اول دفتری صحافی ایدوب ظلمیله زینب
آغ پرده همان زلف ایله اسراره چکیلدی
.
وحی اولدی او دفتردن اول شاهیه بیر حرف
اول وحی سورا رشته اشعاره چکیلدی
.
اول وحی ده گوردوم تن صد پاروی مولی
یئردن اوجالیب عرشه او صد پاره چکیلدی
.
سن خاکیده مهمانیدون افلاکه قییتدون
دوشمیشدی گونون شعشعی دیواره چکیلدی
.
قالدی باجون اما کی ائده ظلمتی محکوم
بو نیتیلن عرصه پیکاره چکیلدی
.
باخ وردیلار اود خیمه سینه قوپدی قیامت
توسدی اوجالیب عرش اوزونه قاره چکیلدی
.
بیر شعله چکن چادره اوز قویدی او خاتون
وردی نئچه دفعه اوزونی ناره ، چکیلدی
بیر نیم نفس سیدی آخر اود ایچیندن
وردی قانادی آلتدا ملک واره ، چکیلدی
.
دامنده آلو طفل لر اوز قویدی فراره
نور آیه لری جانب نیزاره چکیلدی
.
شهزاده لری قوودولار آتلار قاباقیندا
نوبت یئتیشیب قمچیه ، غداره چکیلدی
.
یوخ جرئتیم اللهه قسم تاکی ایدم وصف
اول نقشه ی خط خطی کی قوللاره چکیلدی
.
بیر خوردا اوشاق قورخوب اوزون خندقه آتدی
چیخدی جانی ، خلوتگه داداره چکیلدی
.
.
سیندی دل زهرا تک او طفلان گرامی
آغلار اوسینیق گوزگی لره عصرون امامی
.
#قتلگاه
#دوران_یئتیریب_مردم_نامردی_مراده
#ترکی
.
✍️ #زبدةالاشعار ✍️
.
🆔: @nohe_torki
نظر دهید