حضرت ابوالفضل علیه السلام
زبانحال حضرت سیدالشهدا
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
دورای ویرن سوسوزجان کوی وفاده قارداش
قولسوز دوشوب قالان بو بحربلاده قارداش
.
گلدیم بوبحرغمدن جسمون چکم کناره
غرق اولموسان گلینجه من ایلیوم نه چاره
گلمز الیم الوندن ایندی دوتام دوباره
دوتسام الون اولوربو دردیم زیاده قارداش
.
دریا کیمی طلاطم ایلوب گروه کافر
غرق ایتدی پاره جسمون سیلاب تیغ وخنجر
دوربوشکسته کشتی اوستونده سالما لنگر
طوفاندی گرد باد غمدن هواده قارداش
.
ای مُلک مِحنت ایچره اسکندر زمانه
گلدون فراته دوشدون ظلمات شامیانه
سواولمادی سواوسته باتدون ولیک قانه
گتدی فنایه عمرون عین بقاده قارداش
.
غم ایتمه قلب پاکون تاپدی صفا چو مرآت
عشق اهلینه بویردوربول قبله گاه حاجات
موسی کیمی چخوبسان طوره دورایت مناجات
وارسان حقیقتا سن امن خداده قارداش
.
.
حقّا یرینه گتدون قارداشلیقین وفاسین
کچدون یولومدا جاندان چکدون حسین بلاسین
جانون ویروب گتوردون حقون اَلَه رضاسین
بیرنفس مطمئنّه اولدون رضاده قارداش
.
بوهمتینده روح عالم چخوبدی سیره
تأثیرایدوب ملال ودردون وحوش وطیره
قارداش یتیشدون آخریاخشی جزای خیره
چوخ سربلند اولدون روز جزاده قارداش
.
.
سوزیوخدی حق یولوندا سن اوزلوقون آتوبسان
طیّ مراحل ایلوب سر منزله چاتوبسان
امّا منه چتیندی بونوعیله یاتوبسان
سنسیز گلوبدی گگلوم فریاده و داده قارداش
.
.
هر قدرعَلَم الونده پرچم آچوب اَسَردی
اَسدوقجا تندیل تک دشمن یولون کسردی
بیر راست اوُلوم توزونی کج گوزلره سپردی
سالمشدی خوف قلب قوم عناده قارداش
.
.
ایندی علم یاتوبدوردشمن تاپوب جسارت
سنسیز دوشوب هراسه بوعترت طهارت
آغلارغریب عیالیم زینب ایدرقیامت
قالدوخ عجب کمک سیز بو نینواده قارداش
.
.
چارم آزالدی سن سیز سندی بلیم برادر
یاتدی علم پوزولدی اردو داغلدی لشکر
تک قالوشام بو قدری دشمن نه یارویاور
یوخ بیر کسیم یتیشسون بوچولده داده قارداش
.
ویرّم اگرچه نعشون اشکیله شستشوسین
گورمز گوزوم ایتورموش گویا که ماهروسین
قلبینده قویما قالسون (غمناکون) آرزوسین
اوز نوکریندی لطف ایت یتسون مراده قارداش
.
.
.
#عباسیه_غمناک_تبریزی
#عباسیه_شهادت
#دور_ای_ویرن_سوسوز_جان_کوی_وفاده_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید