دور ای وفالى قارداشیم زینبون گلدى #اربعین_حضرتی_ناعمی

اربعین
.
.
علیرضا حضرتی
.
.
#سبک_ممد_نبودی_ببینی (واگیر : آه و واویلا )
#سبک_بزم_عزاده_گیمیشم
.
.
دور اى وفالى قارداشیم زینبون گلدى
زینبون گلدى
کرببلالى قارداشیم زینبون گلدى
زینبون گلدى
.
.
اى نور چشم مصطفى آچ گوزون قارداش
جان عزیز مرتضى آچ گوزون قارداش
پرورده ‏ى خیر النّسا آچ گوزون قارداش
پوزغون جلالى قارداشیم زینبون گلدى
.
.
احوالیمى دور آل خبر باغریقانم من
یوللار یوروبدور جانیمى خسته جانم من
دیندیر بو غملى زینبى میهمانم من
آه اى وفالى قارداشیم زینبون گلدى
.
.
اى رهبر عشقیم منى پیشواز ائله
دور بو سفیر نهضتون سرفراز ائله
قارداش باجونلان بیر دانیش کشف راز ائله
باشى بلالى قارداشیم زینبون گلدى
.
.
پاتخت ظلمه ولوله سالدیم آى قارداش
الله بیلور زنده نجه قالدیم آى قارداش
اول دوردمین ‏اوخلى‏ کوینگون آلدیم ‏آى‏ قارداش
چوخدور مقالى قارداشیم زینبون گلدى
.
.
اى کعبه ‏ى شش گوشه‏ سى قبله‏ ى آمال
یاتما کفنسیز قبریده چوخ پریشان حال
دور دورد مین اوخلى کوینگون زینبوندن آل
ائلدن آرالى قارداشیم زینبون گلدى
.
.
اى شهریار شهر غم گلدى مهمانون
قید اسارتدن رها اولدى طفلانون
گلدى باجون زینب اولا مرثیه ‏خوانون
قلبى یارالى قارداشیم زینبون گلدى
.
.
قان آغلادیم قارداش حسین کوفه‏ دن شامه
عشقونله اوردا باشلادیم اوزگه هنگامه
تنگ ایلدیم بو عالمى چشم ظلاّمه
زهرا مثالى قارداشیم زینبون گلدى
.
.
قانه سرشگیم قاتدیلار دوزدوم آى قارداش
قیزلاروى آغلاتدیلار دوزدوم آى قارداش
کول سپدیلر، داش آتدیلار دوزدوم آى قارداش
آرتدى ملالى قارداشیم زینبون گلدى
.
.
چوخ غصّه چکدیم قالمیشام لیک پاینده
بیر غم ولى بو زینبى ائتدى شرمنده
ئولدى رقیّه اولموشام من سرافکنده
پوزقوندى حالى قارداشیم زینبون گلدى
.
.
.
.
#اربعین
#دور_اى_وفالى_قارداشیم_زینبون_گلدى
#حضرتی_ناعمی
#ترکی
#زبدةالاشعار