زبانحال امام مظلوم (ع) در بالین فرزند دلبندش
.
✍️ #زبدةالاشعار ✍️
.
🆔: @nohe_torki
.
#سبک_بالام_آغلاما_گلوم_آغلام ( دولانور علی قزی مقتلی … سن آت اوسته پای پیاده من … )
.
مرحوم دلریش
.
دور ایاقه ای قد نورسیم
بویوین فداسی اوغول علی
بیله یاتما نازیله آچ گوزون
گوزیوین فداسی اوغول علی
.
.
ستم عساکر کیندن
گَلی درده قلب مکدّریم
دور ایاقه ویر الیمه الون
بیله یاتما شبه پیمبریم
سنی خیمیه من آپارماسام
گلی قتلگاهه حرملریم
اوزین ئولدوره نه مذمّتی
گر اوغول آناسی اوغول علی
.
.
ایدرم نظاره بو جسموه
قوری یرده قانوه غوطه ور
قویارام دوداقیمی هر یره
ایله کاری یاره دی سربسر
باشوی بو نوع قلجلیوب
بالا هانسی کافر بدسیَر
آتامین یاراسینه بنزیری
باشوین یاراسی اوغول علی
.
.
الی قولتوقوندا قویوب منی
سنی یخدیلار یره کوفیان
آتانی قوجاددی اوغول علی
اودا بیر سنون کیمی نوجوان
واریدیم بو فکر و خیالیله
من ناتوان من باغریقان
بیله وقتده اولاسان منیم
الیمین عصاسی اوغول علی
.
.
چوخ آز اولدی عمرون هزار حیف
سنون ای ستارۀ روشنیم
باخارام بو حالوه آغلارام
ای اوغول گولَر منه دشمنیم
یری وار بو غمده عزیز جان
گوزومون یاشی اولا قان منیم
کفن اولدی ظلمیله عاقبت
سنه طوی لباسی اوغول علی
.
.
لب آبده سنی تشنه لب
یتوروبله قتله بو اهل کین
منه چوخ گراندی عزیز جان
ویره بیر سنون کیمی مه جبین
نیه بس تَکلُّمه گلموسن
نیه آچموسان گوزیوی یقین
سالوب حدّدن بو شقی لرین
ستم و جفاسینی اوغول علی
.
.
بیله که بو قوم ستمگرین
گورورم جفاسینی برملا
قاتاجاقلا قانیمی قانوه
ستمیله لشگر بی حیا
باشیمی یاروب چوخ عنادیله
وراجاقلا نیزیه برملا
یته جاقدی شامده آخره
باشیمین بلاسی اوغول علی
.
.
تیکوب ایمدی یوللارا گوز سنون
چکور انتظاریوی اهل بیت
هامو منتظردیله گورماقا
بیله گل عذاریوی اهل بیت
ایده جاقلا شور نشور عیان
گوره جسم زاریوی اهل بیت
نولی حالی دوشسه بو حالته
آنانین بالاسی اوغول علی
.
.
#اکبریه_دلریش
#اکبریه_شهادت
#دور_ایاقه_ای_قد_نورسیم_بویوین_فداسی_اوغول_علی
#ترکی
.
✍️ #زبدةالاشعار ✍️
.
🆔: @nohe_torki
نظر دهید