دور ای بلالر عاشقی بلالی زینبون گئدور #کوچ_کربلا #معروف_اهری

كوچ از قتلگاه
.
✍️ زبدة الاشعار ✍️
.
🆔: @nohe_torki
.
#سبک_دل_شب_ایلیوب_سفر (4 سبک)
.
ابوالفضل عباسی معروفان اهری ( معروف )
.
دور ای بلالر عاشقی
بلالی زینبون گئدور
دالیمجا وئر اذان حسین
وفالی زینبون گئدور
.
.
.
بو لطف لایزالدور که من حسینه خواهرم
امام عشقسن سنه همیشه یار و یاورم
دیار شامه عازمم ولی شکسته خاطرم
فراقه دؤندی عاقبت وصالی زینبون گئدور
.
.
.
قطاریمی چکور عدو بو گونده شام و کوفیه
اجازه وئرمیور سنه باجون ئورک سؤزون دیه
ارداه پیکرین قالیب باشون بدنده یوخ نیه
بدندن ای دوشن باشی آرالی زینبون گئدور
.
.
.
نیازه ال آچان بشر همیشه اهل راز اولار
امامین ئولدورر مگر او کس که بانماز اولار
عیاندی دفن اولان زمان سنه کفن نیاز اولار
حصیره اکتفا ائله یارالی زینبون گئدور
.
.
.
جوار ماه حسنوه بیر آسمان ستاره وار
ستاره لر قدر حسین سنون سینونده یاره وار
نه چاره ایلیوم مگر منیم الیمده چاره وار
فدا کسوک بوغازووه حیالی زینبون گئدور
.
.
.
بلا چولونده ای خدا چکوبدی چوخ بلا باشیم
قرا باشیمدا دائما غم اولدی یار و یولداشیم
ئولونجه من عزالیام ئولوبدی یدی قارداشیم
بو باره دن کدر اولان خیالی زینبون گئدور
.
.
.
یاریم گون عرضی غصه دن هلاله دوندی قامتیم
و لی آزالمادی اخا سنه اولان ارادتیم
حسین هاچان یتر باشا بو شرح بی نهایتیم
یاواش یاواش زمانه ده جلالی زینبون گئدور
.
.
.
وداع آخر ایستورم جهانی داغلیام گئدم
ئوپم کسوک بوغازوی یاراوی باغلیام گئدم
اگر که وئرسه لر امان دویونجا آغلیام گئدم
اقلی بیر تسلی وئر عزالی زینبون گئدور
.
.
.
.
#کوچ_کربلا
#دور_ای_بلالر_عاشقی
#معروف_اهری
#ترکی
.
✍️ #زبدةالاشعار ✍️
.
🆔: @nohe_torki