شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_آچیلدی_پرچم … 10 سبک
مشابه
.
میر نظام چاووشی
.
دور ای بو چولده، بو غربت ائلده
حسینی یالقوز، قویان ابوالفضل
بو قوملار أوسته، بو قان ایچینده
بو قدری یاتما، أویان ابوالفضل
.
.
ویروبدی لشگر او قدری خنجر
بدنده گلمور یارون شماره
اولوب ستملن بو سرو قدون
نئجه دیوم من که پاره پاره
آلوم قوجاقه یارالی نعشون
گون ایستیسیندن چکوم کناره
خیامه منلن گئدک بو ساعت
وار اوردا بیر سایه بان ابوالفضل
.
.
آلوم قوجاقه یارالی باشون
سیلیم بو قانلان دولان گوزووی
گلم دوباره بو باشون اوسته
محالیدور من گورم یوزووی
گل ایله اظهار منه برادر
اورکده گیزلین اولان سوزووی
نه نیّتون وار وصیّتون وار
منه گل ایله بیان ابوالفضل
.
.
بو حال زارون غم ملالون
سالار بو قلبیم داخی فشاره
واریدی اکبر یاراسی دیلده
سنونده یارون دگوب دوباره
یقینیم اولدی سكینه زینب
بو چولده باشه سالارلا قاره
چیخار سمایه او خیمه لردن
بئلیکه سنسیز فغان ابوالفضل
.
.
ائویمی یخدی بو قوم کافر
یتیشدی جمله مرامه قارداش
دالونجا گلّم منیمده عمریم
بوگون یتویدی تمامه قارداش
قویوم قوم اوسته یارالی باشون
نئجه گئدیم من خیامه قارداش
ویرارلا مندن صورا جدایه
کسوب باشون کوفیان ابوالفضل
.
.
یوزوم بو قانلو یوزینده قارداش
بو آیریلیق وقتی عطرون آلّام
سالارلا سندن صورا بو حاله
منیده لشگر نه منده قالّام
گئدیب بو ساعت حرمسرایه
خیاموون دامنینی سالام
ولی گورنده او حالی زینب
اولار سرشکی روان ابوالفضل
.
.
#عباسیه_میرنظام_چاووشی
#عباسیه_شهادت
#دور_ای_بو_چولده_بو_غربت_ائلده_حسینی_یالقوز_قویان_ابوالفضل
#ترکی
.
✍️ #زبدةالاشعار ✍️
.
🆔: @nohe_torki
نظر دهید